梅妈轰梅启明趁梅艳芳生忌搞事叫佢悭啲　拒出钱搞婚宴：唔想见佢

已故天后梅艳芳的72岁胞兄梅启明近日惊爆婚讯，宣布与泰籍女友May May再婚，预告周四（10日）于中环大会堂举办记者招待会，公布摆酒及婚宴详情。梅启明指梅覃美金（梅妈）被姪仔梅柏麟“软禁”，处境危险，呼吁二人联络自己，并见证及拍板筹备自己的婚事。他指梅妈几年前送过价值十几万的手鈪予May May，代表认可二人婚事，还很想饮新抱茶；不过梅启明的第二任太太Joey，却表示自己与梅启明根本未离婚，若她再娶老婆，即是重婚。

而娱乐记者兼网台主持潘小文一向是梅妈发言人，多次代梅妈发声，她昨日（7日）晚间开直播时都有评论今次事件，并代梅妈报平安。她透露梅妈没有被禁锢，且得到非常适切照顾，是刻意避开梅启明。潘小文说：“Auntie唔知道佢结婚呢单嘢，事实上佢都唔想再见到呢个人，成件事我哋好可以肯定一样嘢，呢条粉肠系趁梅姐10月10号生忌要搞事，Auntie知道咗好唔开心，好唔高兴！佢话叫Auntie出嚟主持大局，佢想吓得㗎喇，Auntie冇乜嘢都唔想再见到呢个人，佢问Auntie攞首饰呢样嘢，Auntie都讲，基本上过去嘅时间，有金饰、有金器都已经攞晒畀佢打官司，边度有钱有呢啲金饰？梅生你可以悭啲，你老母唔会理你。”

潘小文称梅妈已认定梅启明趁梅艳芳生忌搞事，严厉警告他别再搞事，而讲到梅启明表示与母亲失联，潘小文反问：“佢话唔知Auntie搬咗去边，点解会唔知？因为你过去咁多年，为咗问Auntie攞钱，你记住之前做过嘅嘢，点样揾锤仔揼烂屋企所有锁，Auntie今时今日都历历在目。Auntie搬咗之后你日日走去人哋屋苑大吵大闹，人哋屋苑都唔能够有落脚地方，梗系搬屋，你话Auntie俾人软禁，你老母冇俾人软禁，佢生活得好好！麻烦你唔好再攞Auntie制造新闻，呢个系好严厉嘅忠告。”

她说，若梅启明坚持开记招就“自己搞饱佢”，梅妈不会出现，亦不会出钱畀酒席，叫他悭啲。潘小文又问：“70岁人结咗三次婚，你知唔知丑？”她强调梅妈冇钱帮梅启明找数，摆酒是他本人的事，叫他用自己钱慢慢摵。讲到梅妈是否已对梅启明死心，潘小文说：“死心，亦都唔想个仔再骚扰佢生活。”