李丽蕊与梁思浩相识30年反目　自任丧礼司仪学会放下 ：活在当下

李丽蕊(阿蕊）早前现身香港电台出席第二台广播剧《毕得鸟剧场》宣传造势活动。阿蕊在广播剧中饰演嫲嫲一角，不但落力声演，而且在戏内戏外都尽显长辈风范，更悉心地以轻松方法指导小演员的咬字，发音与情感表达的技巧，为录音过程注满欢乐：“其实可以简唔中，对住一班咁精灵又活泼嘅小朋友，就好似突然间多咗一班孙仔咁，能够对住呢班小朋友，我成个人都年青晒。”

讲到她当DJ之外，近来更涉足殡仪业担任丧礼司仪，令人感到意外。阿蕊表示：“其实系有一个团体帮我姐姐做咗一个告别仪式，令到我谂起，其实可以用自己嘅专长去帮手做人哋嘅告别仪式，我觉得都系一个能够回馈社会嘅一种方法。到我接触咗呢一行之后，系令我人生有好大嘅睇法，以前会觉得生老病死系老生常谈，但当接触得多嘅时候，唔系远在天方，而系近在眼前。变咗你会更加要活再当下，珍惜生命。（会否令你学会放下唔开心事？）会，因为每个人最终都会面对死亡，做咗丧礼司仪后，从中听到唔同人嘅故事，有几咁精彩，又或者其他，难免都会有𠮶一日。咁所以在世时，要活好每一天，开开心心、健健康康，唔好谂得𠮶啲嘢咁严重，因为每一样嘢都会过。”

提到同梁思浩相识30年，最终因工作问题反目收场。问到会否感到可惜？阿蕊表示：“有时候我觉得缘份呢样嘢唔系可以去控制，由始至终我都系觉得佢哋系我嘅好朋友，但人哋多唔当你系好朋友，呢样嘢就唔能够我去控制。我哋曾经喺埋一齐去做嘢，而且大家都系非常好嘅朋友，咁唯有去珍惜𠮶阵时有嘅缘分。不过无论点都好，你永远都唔会知下一步会系点，难免他朝有一日，大家又会再碰头，再聚埋一齐。点样都好，我都会祝福佢哋。（思浩会唔会拍得多灵异节目，想法变的偏激？）咁我又唔觉得，我谂呢样嘢系佢工作嚟，佢做人同佢做呢个工作，会唔会有啲直接嘅关系，作系分得出嘅。（佢对朋友系咪要求好高？）其实做得佢朋友，你系唔会辛苦，同埋系有啲嘢大家系互相吸引，先会做到朋友。如果做唔到佢朋友，你先会觉得同佢好难相处。”