庄锭欣香港首个签唱会过百粉丝撑场　难忘与棒棒堂王子一个互动

庄锭欣最近推首张迷你专辑《#EK》，她今日（5日）现身北角，第一次在香港举行签唱会，吸引近过百名粉丝陆续排队索取签名，并且献唱新歌，粉丝落力举起应援物呐喊欢呼。庄锭欣接受《香港01》表示：“今次第一次喺香港搞签唱会，上两个月喺台南同埋高雄搞咗签名会，今次第一次攞住只碟返嚟搞签名会。”她笑言屋企人可能会秘密到场支持。

难忘与棒棒堂王子一个互动

讲到最近忙于在台湾宣传新专辑，她分享难忘经历：“最开心嘅一个环节喺高雄场𠮶度，有Fans就话想同你一齐挑战跳舞，咁我就即刻喺现场做一个教学，即场挑战嘅朋友就有其他福利。”

被问到最近邀请许多圈中好友一齐跳唱新歌，她表示：“最近同棒棒堂嘅王子（邱胜翊）就一齐发咗呢个跳舞影片，呢一次系一齐出席完一个活动临走嘅时候先邀请佢一齐拍呢段片。王子问我难唔难，跟住我就呃咗佢入嚟拍，佢边学边跳话好难，跟住佢话短时间之内记唔到咁多嘢，大家都觉得好神奇嘅组合。”她透露与王子较早前一齐在台湾上节目，所以有互相认识彼此。

讲到王子是不是自己的理想情人，她说：“咁又唔系，睇偶像纯粹系睇偶像，细个嘅时候就真系扭佢哋嘅Yes卡，我家姐细个好钟意王子。”她指从小就幻想李敏镐是情人，并表示：“我上次有去过佢嘅见面会同佢有拥抱同埋合照，呢个应该系我人生第一次咁紧张。”

提到现阶段在台湾居住，是否感到寂寞想找伴侣，她表示：“其实我个人好宅，呢排系宣传嘅行程，如果有得休息，我就会喺屋企或者运动。”她透露对拍拖的想法顺其自然。另外她还兴奋预告下个月即将在台湾举行演唱会，并笑言：“我希望有咁嘅机会喺（香港）搞演唱会，暂时就睇吓个档期同埋机会。”提到会否希望出席香港乐坛颁奖典礼，她表示：“可唔可以邀请我？我好愿意返嚟。”她指近年即将会专注在音乐事业发展，以及正在筹备录制新歌。