徐少强夫妇追思会｜李修贤赞徐少强为人有义气：香港江湖上吃得开

武侠巨星徐少强在9月1日因食道癌病逝于北京，终寿73岁。其细30年爱妻相隔4天，因伤心过度心藏病发离世。今日（5/10）徐少强子女为父母于红磡世界殡仪馆举行追思会，让亲友作最后悼念。下午3时许，李修贤身穿素服抵达灵堂致哀。他受访时表示：“我哋系第一期艺员训练班认识，大家相识53年。佢个人系好好，无论佢有冇钱都好，佢都会食饭埋单，佢个性格系咁，当然佢喺80年代江湖上饮酒发生好多事，你哋都未必会知，就好似佢拍档唐伟成喺台湾饮醉酒，俾太保用电钻插箩柚都系佢出面摆平，佢喺香港江湖上面都好吃得开，无论饮酒闹事，同人嘈，佢都会搞掂。”

李修贤续说：“其实喺佢走之前两个月，喺香港大家先见过面，当时见佢系冇嘢，但我哋系知佢有病，都有劝佢要喺香港医病，但系佢性格好硬颈，话冇事返北京医。（佢系冇戒口照饮酒？）佢系一样照饮酒，乜嘢都照食，（识唔识佢太太？）北京我唔识，每次食饭都系佢自己出嚟，食饭饮酒系冇带埋太太嚟。”