蔡国威指曾属舒适堡苦主 成功更新会籍兴奋狂谷14吋手瓜
舒适堡Physical健身室中心上月（6日）突然宣布暂时全线结业，TVB星级司仪兼六合彩节自主持人蔡国威就是苦主之一，他今日（4日）现身湾仔骆克道京城大厦1楼及3楼 perFIT接受《香港01》访问表示：“系呀，我系苦主。我10年前大概2014年嘅时候曾经系舒适堡嘅会员，某一啲嘅原因我转过其他嘅健身中心，直至到喺旧年八月嘅时候，因为推出咗一个计划系好吸引，$9800有10年嘅会籍，所以决定重新买咗舒适堡嘅健身会籍。”他指今年一月的时候正式启用会籍，并表示：“用咗八个月，佢就执笠啦！所以都冇谂过咁短嘅时间就会执笠。”他透露有关于舒适堡的会籍是朋友推介，并笑言：“除返开$100都唔使。”
蔡国威成功更新会籍兴奋狂谷14吋手瓜
被问到得知舒适堡较早前停止营运的消息，他坦言：“心情灰到爆，我真正系用咗八个月，咁样计返即系用咗千几蚊一个月，同当初个原意好相反，我听到好多朋友要去追讨，我都谂紧我可唔可以去追讨，我想观察耐少少，我觉得有解决到嘅事情，所以我就平常心啲，希望有好消息出现。”他指自己反而没有做过任何申诉的举动。讲到现在是不是可以重新启动会籍，他说：“我啱啱重新睇咗新闻稿，对上一个月听到有重新嘅品牌开嘅时候就麻麻哋相信，觉得好伏，见好多嘅资料都唔系好清晰，点解今次我咁愿意同埋开心，想搞番个会籍，我见到新公司嘅资料系好实在同埋确实，能够接本返之前舒适堡嘅会籍，仲会提供返服务，买疗程𠮶一班都可以继续用到美容疗程，或者健身课堂都系，成件事就变咗好有信心，所以上嚟整返呢个会籍。”
Perface店舖经理交代营运情况
另外Perface店舖经理Tracy余小姐亦有接受《香港01》访问表示：“我哋公司营运情况一切正常，啱啱先开咗新嘅旗舰店，本身我哋经营冇特别任何大嘅问题。”讲到是否收舒适堡的旧客户重新可以有会籍继续健身，她说：“旧客户买咗（健身）嘅会籍都会继续可以用埋落去，无论系Physical或者Healthy嘅会员都可以去Perfit 做运动。美容方面我哋已经聘请返大部份嘅员工，客户方面都希望可以喺原店继续使用疗程，因应客户嘅需求去迎合，如果客户想去其他分店都可以安排。”被问到将来会有哪一间分店，她表示：“目标嘅分店有四间铜锣湾怡和街、尖沙咀嘅两个地点、同埋九龙湾嘅淘大商场等。”
场地：湾仔骆克道京城大厦1楼及3楼 perFIT