陈晓华被麦玲玲批与朱敏瀚夫妻官相冲多波折：自己都信㗎

早前疯传朱敏瀚与陈晓华（Hera）秘恋两年，有指年尾结婚，传闻不断。而曾经同陈晓华合作拍剧演两母女的麦玲玲为二人夹八字后，发觉他们适合做情侣，合拍度有80%，而且能催旺对方，但由于同样是驿马星动，要找远处的姻缘。但讲到二人能否成婚，麦玲玲直言二人夫妻宫相冲，会有很多波折。

今晚（3/10）陈晓华现身电视城出席无线综艺节目《大师兄开心哗鬼感谢祭》录影。提到麦玲玲师傅指她和朱敏瀚夫妻宫相冲，只适合做情侣。Hera接受《香港01》访问时表示：“其实我不嬲都系波折人嚟，系指人生都系多波折。同之前咁讲，等吓啰，（要等磨合到先结婚？）嗱，如果决定咗就要努力向前冲，就好似做嘢咁，决定咗做一个演员，就算有几多波折都要做好佢。（信唔信命理？）自己都信㗎。以前我同玲玲姐做嘢嘅时候，成日都问佢好多嘢嘅，同玲玲姐都好关照我，我好多谢佢。（玲玲姐一席话会否影响到你？）我就觉得风水命理呢样嘢，可能讲个可能性出嚟，但𠮶个可能性系可能会改变。”

被问玲玲姐批出二人命理，会否影响双方关系及想法？Hera停顿8秒后续说：“哈哈，咩关系先，咁而家都系工作为先嘛，因为近呢几年工作都好好运，哈哈，都系我自己觉得咋，唔好意思呀。（请教玲玲姐点解决 ）唔使解决啦，点解要解决。其实如果我同𠮶个人唔系好夹，我会远离佢，我会自动走开，我唔会难为自己一个人嚟。（你放心玲玲姐话你同佢拍拖系旺你，但结婚夫妻官就相冲！）总之好就好啦，其实好多人都旺我架，经理人同公司都旺我㗎。”