Eric Kwok郭伟亮做XiX经理人：如果你有4个女，你唔会离弃佢哋！

音乐人Eric Kwok（郭伟亮）早年兼任少女组合XiX的经理人，早前记者会中宣布踢走Xix其中一位成员Vici，并解说因与Vici及她的家长难以沟通而导致。今日（3/10）Eric Kwok（郭伟亮）出席李然Leanne《提防骗局》新歌及MV发布会，也透露了一些XiX的近况。郭伟亮重组女团XiX澄清系踢走唔系退团：我终于觉得我哋有运行啦

Eric Kwok（郭伟亮）接受《香港01》访问时表示，与李然Leanne在多年前《劲歌金曲》节目录影时，他直言当时就觉得她的歌声很好，歌风也与时下歌手不同有其特别之处，后来李然Leanne出新歌时问及他的意见，之后更索性揾他担任歌曲监制。谈起李然Leanne，Eric Kwok（郭伟亮）更赞不绝口，直言：“唔好都唔会帮佢做监制。”

Eric Kwok一人做晒宣传、制作、拍摄剪接

讲到少女组合XiX的近况，初次做经理人的Eric Kwok坦言，只是安排她们的工作已经相当大挑战。他说：“录音，广告啦，仲要帮佢哋揾sponsors，同老婆度下次新歌的造型，预备下一只新歌嘅舞蹈，个MV等，全部都关我事，最严重嘅系点样同环球公司去度下一只歌嘅安排，宣传，上乜嘢节目，电台，上咩网媒，IG拍啲咩，啲桥全部我谂，拍又系我拍，剪又系我剪，咁你话我几忙，连个YouTube Channel都系我搞。希望大家知道我有几忙，最紧要万事都要用个心。”想不到Eric Kwok不止做了XiX的经理人，还兼任了宣传、制作、拍摄、剪片所有的范畴。

Eric Kwok：如果你真系当佢哋系女，冇可能分畀人哋去做

记者提议，不如将4个成员分拆或减少，就不会占用他太多时间，但Eric Kwok就回答：“如果你有4个女，真系你个女。你唔会离弃佢哋，分畀人哋去做，如果你真系当佢哋系女，冇可能。会唔会做开经理人，有舖瘾签多几个做一间经理人公司，冇可能，冇可能，因为太辛苦。做经理人就5个字：‘吃力不讨好’，真系。当个artist好，佢会认为系自己红，当佢唔红，就第一个话‘点解经理人你咁渣’，所以呢个job唔系一个正常人想做。”

50岁和17岁的代沟

50岁的Eric Kwok（郭伟亮）担任15-17岁的少女组合的经理人，他表示两者之间代沟也颇多。他回答：“generation gap大把！就系有呢个gap先好笑。例如Kiele（邓晓殷），佢系中文最差嘅，我哋成日话‘冚唪唥’，三个字，佢哋系听都未听过，又例如佢哋个年代，有好多潮语我系完全唔知咩泥。佢哋呢个年代全部都系用文字，你用voice message佢哋会觉得好烦，因为佢哋唔想一头听到尾，但系个问题系，佢哋成日都睇漏嘢。”不过，Eric Kwok也表示十分疼爱她们，可以想像到，Eric Kwok真的当她们是女儿一样。