许靖韵大湾区音乐会疑升呢　与杨受成成龙同坐地位超然

“香港同胞庆祝中华人民共和国成立七十五周年文艺晚会”昨日（2日）于红馆举行，邝美云、苏永康、陈展鹏、胡定欣、姚子羚、谭俊彦、伍咏薇、陈山聪、林夏薇、朱敏瀚、吴业坤、胡鸿钧、詹天文、冼靖峰与何晋乐等人参与演出。

许靖韵昨日亦有上台表演，活动后许靖韵接受《香港01》访问时被问到最近是否主要于内地发展为主，她表示是幸运：“系因为之前好好彩去到好多唔同嘅综艺节目，所以多咗好多机会嘅，其实嚟紧都希望可以再多啲综艺畀大家听我唱歌。（主要以音乐节目为主？）其实我乜都得㗎，音乐我又好钟意啦，其实我觉得音乐以外我会好有兴趣，因为我比较少上音乐以外嘅综艺啦，可能煮嘢食咁啦。”许靖韵又表示自己挺喜欢游戏节目：“玩啲冒险啊，一啲比较野外嘅我都几钟意，我几钟意玩游戏。”至于许靖韵被问到怕不借毁形象时，她捧腹大笑说：“吓，唔会啦！我冇㗎！我本身就冇乜形象！”

早前的中秋节“2024湾区升明月大湾区电影音乐晚会”，许靖韵被安排坐在老板杨受成博士和成龙的中间，似乎备受看重。许靖韵被问到是否“上位”时，她惊讶表示只是刚好：“其实真系咁啱啊！我有个机会同大家去讲呢一件事，因为我见到大家都有影咗啲相，喺我嘅社交平台留言啦。咁𠮶晚其实咁啱我唱完之后我就去咗老板个台度打招呼，咁啱有个空位，老板就邀请我一齐坐一齐睇骚，我就好开心可以同成龙大哥同老板一齐坐，真系咁啱啰。（本身坐边？）本身同曾比特，我系同曾比特一齐行咗过去啰，可能大家冇见到曾比特走咗冇坐低，咁就我坐低咗喺老板𠮶台。（会唔会系老板睇重你？）老板都好睇重我哋每一个艺人㗎，老板每一个都好锡嘅，当然我都觉得老板当然都好锡我啦，咁就邀请我坐埋一齐。”