前微辣Rosalina力撑好友加葱系好人 回应负评：没做过为何要道歉
微辣自去年阿晶轻生的风波后，成员大部份已重新出发，就连微辣的YouTube频道都开始重新更新，早前Rosalina宣布在香港搞见面会，标明要跟“同频”的人见面、深度交流，但定价$980引起不少争议，有人就认为收费“狮子开大口”，不过Rosalina撰长文表示：“最后，都讲样逻辑性既野。我知有好多人Dm，觉得好贵。其实呢个就系每个人，自己评估价值既问题，系我角度，我会想像古天乐开见会面，我时间啱价钱啱，我就会比钱去见佢。（我拎自己同古天乐比？yes! Why not2佢又系人，我又系人；任何明星喺我眼中都系一个人only）价钱亦代表呢个人系你心目中嘅价值。所以我标价越高，我揾到既同频越一致。因为系你心目中，我值得。”而最终她并没有在社交平台更新任何有关见面会的资讯，未知有否举办。
过往Rosalina以知性、智慧等做定位，亦会在YouTube拍摄“Read with R”系列，推荐书本。近日其频道相隔8个月再出片，她找来阿晶旧爱加葱（原名：林茂发）亮相，表示要向加葱推介《与神对话》这本书。而片段中亦似乎话中有话，回应Haters，Rosalina说：“好多人反而系……我相信林茂发系一个X街，但系我根本冇去认识过你，我冇去了解过你，但系我如果而家了解发哥，我知道佢系一个好人。”加葱回应：“我系一个靓仔嘅X街。”Rosalina则笑指：“我唔相信你系一个靓仔。”其后她续说：“我宁愿我真实去认识呢个人，而唔系我听一个人口中林茂发系咩人。”
她在社交平台多次强调只会接受“同频”的人交流，又指“开心嘅人系唔会喺网上面闹人。”Rosalina在新片中再三表明：“唔同频嘅人就唔好嘥时间同佢倾偈，或者因为佢一句说话唔开心。你自己系咩人，你最清楚，唔需要由其他人去定义你。”近一年受尽抨击的加葱就有感而发：“以前啲观众都会成日提我，有时我开直播都会同人闹下交，有啲人行入嚟，讲吓无聊嘢，我都会话佢几句。观众都会提我，加葱其实你嘥时间覆佢哋，不如覆下我哋啦，我哋呢度有几百人，得一条友搞事，但系你就净系覆呢条友，其实留返啲注意力同埋时间畀真系值得嘅人。”
Rosalina力撑加葱，指觉得他为人非常真实，值得欣赏，她说：“同我做朋友一定要真实，其实我之前发生咁多事，我叫佢唔好再覆啲唔识你嘅人，（佢）坚持覆，我觉得其实佢好做紧自己，好想话畀人听‘我就唔系一个咁嘅人啰。’真系好想保护身边嘅人，佢会做好多我认为系冇用嘅嘢，但系佢会坚持做自己，但系我都好欣赏你，我希望大家唔好令啲真实嘅人消失，呢啲人真系好值得好好咁保护！”加葱则搞笑说，自己现时拍片都要开美颜，已不如从前真实。片末Rosalina再强调：“网上面真系冇真相！”二人都觉得无需尝试讨好全部人，而早前面临不少负评的Rosalina就以“唔好喺人口中去认识一个人，你想识我嘅话，你联络我吖。”为影片作结。
尽管如此，不过还是无法控制留言栏的网民，有人对二人合作拍片反感，其中一个留言指：“本身都觉得R冇咩又以为人母，点知原来都仲系同X街葱有来往，做人做到咁就睇几多书都冇用la, 仲要有小朋友, 都唔知点教小朋友远离损友...仲要介绍本书叫与神对话，真系好讽刺...”而Rosalina就义气十足撑加葱，她回复：“如果你患难既（嘅）时候，做朋友就会抛弃你，想问呢啲系咪真正嘅朋友？可能我嘅价值观同你唔同☺️，唔紧要㗎，道不同不相为谋，反正我觉得做朋友就唔系咁😊”针对Rosalina常常挂在口边的“同频”，有人问：“加葱就是你的同频人??系就冇野好讲~~~”她回应：“他是我的朋友😊”
也有人觉得他们公关很差，呼吁Rosalina别以“谣言止于智者”、“不同频”等就当自己已回应及站在道德高地，该网民称：“每个人都会做错事，大方承认过往有过失真系冇问题，但不愿道歉，觉得自己冇问题，再自视过高，呢个先系问题所在，既然贵为人母，何不做好榜样？我退后10,000步我当你哋冇错，系网民冤枉你，为何你们不解释清楚整件事情来龙去脉？毕竟现在真系死过人，你们责无旁贷，特别是林先生！”Rosalina则称：“不需要情绪勒索我，作为朋友、亦身为一位妈妈，将心比己，我认为不参与任何讨论就系最好的尊重。为什么我要为我没有做过的事道歉？作为一个妈妈，你会不会要你孩子学你，没有做错，也要道歉？我要教导我孩子的事，没有错，就勇敢，不用理别人怎样说，我就是孩子的榜样。”加葱都有回复：“其实我YOUTUBE置顶影片回应左架啦,唔介意既可以睇一睇,可能解答到你既问题”
按下图睇Rosalina回复留言：
由于引起太多讨论，Rosalina再补了一个置顶留言，她宣布：“2024最后94天，我向所有人对话，这个就是我的Channel，我有我的自由跟任何人做朋友、说任何的话。但要是任何人在我频道，不懂得尊重人，散播负能量仇恨，我一律block。我善良，但我有底线，有些人不同频就是不同频，不需要存在我的世界里，谢谢合作”