多位DJ曾学影后极端方法减肥　成功瘦身但却令广播道屎气薰天

艺人要时常把体态保持在最好状态，稍有走样都会被关注，因此经常用各种方法减肥。近日梁思浩、吴家乐、梁铵庭就在网台节目《娱乐好好玩》中，分享女星减肥的故事，而其中一位影后的减肥法，竟令广播道充满屎味？

梁思浩过往在港台开工，他说：“有段时间，喺香港电台，成日无端端㖞，喺商台臭先㗎，啲人成日话商台成浸屎味，后尾就轮到我哋港台都有𠮶阵屎味，直播室抽风又唔好，啲人成日入到嚟话‘做咩咁臭？’就系𠮶时流行嘅一种减肥方法……”其余二人就追问，难度有人食屎或“疴油丸”减肥？思浩续说：“真系由一个商台嘅人教出嚟㗎呢样嘢，哗！当时成个广播道臭崩崩！”

二人对这位“始作俑者”身份非常好奇，梁思浩说，她是艺人，但有段时间做DJ，教到商台以至港台都跟著这种方法减肥，方法正是饮杂菜汤，主要是洋葱、红萝卜、椰菜、西芹等，长期以这款汤做代餐。梁思浩表示：“有段时间喺广播道好Hit，真系见到啲人个个都瘦，好肥𠮶啲都瘦晒，大家上网分享呢个汤，但系唔得㗎！佢系瘦，但系佢有后遗症，你忍都忍唔住，系咁放屁！”他说DJ开咪时都忍不住传来屁声，梁铵庭则表示：“我以为会濑屎……”

梁思浩之后就揭晓：“吴君如教㗎！”他不建议大家试这种方法，因为会经常放屁，而吴家乐则说：“佢同事辛苦啫，佢冇嘢㗎。”由于梁铵庭与吴君如私下有交情，两位男主持就逼问她，吴君如有没有试过在她面前放屁等等，不过梁铵庭就很口密，表示没有，又说吴君如已很Fit，现时没必要再用这种方法减肥了。

而讲开减肥，吴家乐和梁思浩认为除了钟欣潼外，苟芸慧是一个即使发福仍然好靓的女星，她试过因荷尔蒙问题暴肥，家乐就透露，“试过同佢开工，都见到佢有少少情绪唔开心，状态一路都唔好，但系又要见人，我都戥佢辛苦。”梁思浩就指：“苟芸慧话多谢一个女歌手，呢个女歌手同佢唔识嘅，喺电视机同报纸见到佢，自己揾人打畀佢，话你唔使惊，我陪你处理个问题，佢直头觉得有一道暖流。呢个人陪住佢，带佢睇医生，睇中医，针灸，医返好，一路一路瘦。唔识㗎，苟芸慧自己讲同佢真系唔识，但系呢个真系一个有心人。”而这位心地善良的女歌手，原来是黎瑞恩。

.