陈蕊蕊斥资6位数开生酮茶饮店　计划到内地开分店

曾在《耳分高下》担任“Sing之天使”嘅陈蕊蕊，其茶饮店今日（29日）喺戏曲中心开幕，她接受访问时透露今次投资6位数，又谓因为自己喜欢饮珍珠奶茶但又怕肥，所以一直有计划开生酮茶饮店，而刚好上址出租，所以决定一搏。“我哋拣茶都好讲究，又会用代糖，再用桃胶代替珍珠，我哋会做慈善送俾老人家，因为佢哋都啱饮。”陈蕊蕊又指老公因为唔系生意人，所以无俾任何意见，但全力支持自己。另外，她亦有计划到海外或内地开分店，但暂时想做好香港店先。“竞争大又唔系话唔好，有独特性都系发围因素。”

除咗茶饮生意，陈蕊蕊近年亦有拍片做饮食KOL，她表示辛苦在不断要食。“我做得生酮都系注重饮食健康，但有时无得唔食，唯有平时尽量食少啲，因为拍嘢无得假食，又唔会食完扣喉，好在团队嘅人都会帮手食。”