郑梓浩指旧爱孙美贤“似阿婆搞唔落” 麦玲玲贱男有样睇：嘴唇薄

香港著名堪舆学家麦玲玲师傅今日（27/9）现身观塘为健康产品拍摄广告。提到《中年好声音》先后连环爆丑闻，继梁浩铨曹敏宝绯闻及龙婷与人夫丘亚葵Hello Kiss之后，再有郑梓浩遭前女友爆出渣男真面目，一脚踏3船，又指渣男郑梓浩偷食完小四孙耀威人妻细妹孙美贤之后，指女方似阿婆搞唔落，引起外界强烈反感。肥妈日前讲接受访问时起“渣男”郑梓浩直斥对方：“咁仆街嘅男人都有嘅。”

麦玲玲师傅接受《香港01》访问时表示：“其实系有啲混乱。可能唱歌嘅人好容易好感性，变咗好容易冇咗个边界感，啲感情就容易乱咗，可能要大家从新去训练一下控制自己嘅感情。至于龙婷，就因为佢嘅名就犯咗太岁，咁所以可能谂嘢乱咗啦。如果点睇一个男人系咪渣男，好多时都系睇个嘴唇薄嘅就唔好信佢。而鼻大又冇权骨去拓返，又或者眼尾好多桃花纹，𠮶类都唔系好可靠。”

至于讲到郑梓浩𡁻完唱孙美贤似阿婆搞唔落。麦玲玲表示：“咁样讲嘢更系唔得啦，呢啲叫做𡁻完唱，始终讲对方嘅唔好都唔应该讲，呢个完全系一个修养问题。咁所以肥妈自然会帮人出头，暂时只系乐坛风纪未出头咋，我呢啲更系等大人讲完先，就跟佢哋尾就搞点。”