苗侨伟解释三哥名字由来 当年被雪转战电影只做配角感心淡

苗侨伟（三哥）昨日（26日）到新城广播接受谭玉瑛（阿谭）、何基佑及麦皓儿主持的《QK玉瑛室》访问，三哥与阿谭相识于80年代，亦是训练班同学，所以份属好友，三哥搞笑大爆阿谭花名，“佢以前因为个样好细个，所以有个花名叫谭十一，永远都好似11岁，又牙尖嘴利，所以喺呢行屹立不倒。”

阿谭问苗侨伟为何会被称作“三哥”？他称：“有部电影个角色叫三哥，叫得我最大声嘅系小黑柯受良，佢离远见到我就好大声叫三哥，自始就个个都叫我三哥，叫三哥几好吖，又稳阵，又唔使做大哥，大哥有事就二哥顶上，三哥最安全，所以我非常乐意人哋叫我三哥。”

入行超过40年的三哥，形容自己的演艺事业分了两个阶段，第一部份是训练班后加入TVB，但因“五虎将”合约问题遭公司雪藏，“我同刘德华死都唔续约就畀人雪，之后刘德华入咗电影圈有好大成就，我都系发展电影，但就成日畀人叫去客串，当时我有做眼镜生意，90年代初生意仲唔错，于是把心一横唔鬼拍戏，专心做生意，做咗14年，到04年有人买盘，我又有番啲时间，监制梁家树咁啱揾我拍《学警雄心》，就开始咗我人生第二个世纪，04年复出都依家都二十年。”

三哥自爆当年复出拍《学警雄心》压力甚大，“𠮶时对住吴卓羲，又系牙尖嘴利，之后又对住黄宗泽、林峰，佢哋同我合作时只系廿几岁，依家个个变晒中佬，当时拍《学警雄心》好大压力，好多对白，成页纸对白我讲晒，一路训话，个身已经湿晒，但又唔可以喺班后生面前失威，‘哗，五虎将又NG呀’。”

阿谭指苗侨伟年轻时不懂取悦女生，性格又木木独独，问太太戚美珍喜欢他甚么？三哥透露跟戚美珍于82年认识，90年结婚，“当年大家都钟意小朋友就结婚，唔知点解咁早结婚，为咗棵树冇咗个森林，都系缘份啦！𠮶时冇谂过粉丝钟唔钟意，我冇刘德华咁劲，佢可以保密几十年，我保密唔到，横掂都畀人影，不如公开。”

现年66岁的三哥永不言休，直言会做到观众不喜欢看自己为止，“我又唔会话几时唔做，有人揾就做，唔使去强求。呢行做咗几十年，好讲运气、际遇，再讲努力，呢行好多人都好努力，但冇运气同机会；以前好多人埋怨7日7夜冇瞓，又要挨通宵，好多人都好想挨，我自己从来唔会埋怨，接咗工作时，当然最好有时间休息，我会交到好功课，好辛苦时都唔会埋怨，尽量去配合。”