麦明诗主持港姐曾投诉郑裕玲唔公平　被Do姐一句秒杀全场拍烂手掌

今届港姐虽然在半个月前已选完，但久不久网民还是会重温过往港姐的片段，近日2018年其中一条港姐旧片就被郑裕玲的粉丝剪辑，在网上翻Hit，片中“10A港姐”被郑裕玲（Do姐）一句秒杀，网民对Do姐极之佩服！

当时是泳装问答环节，被考起的是11号佳丽李明芙，她本身修读社会公义教育学系，引起麦明诗兴趣。麦明诗针对公义、公平等范畴问：“除咗你之外，今晚有边个佳丽赢咗你觉得系唔公平嘅？唔准讲自己㖞。”但李明芙表现得非常为难，只是苦笑及重复：“我认为……”足足十秒都不敢答出任何一位佳丽的名字。

Do姐于是救场说：“可以答冇嘅……唔使俾人逼嘅。”想给李明芙一个下台阶，而麦明诗就表示：“哎呀，Do姐咁nice嘅，我觉得唔公平呀，我选𠮶时Do姐冇咁……”而Do姐立即叉腰回话：“咁你都选到咯！你仲想点样啫？你系香港小姐嚟㗎嘛，点样唔公平呀？”全场顿时拍烂手掌兼为Do姐欢呼。另一位司仪冯盈盈见状，就向好友麦明诗说：“我哋好收声喇，如果唔系就话我哋对呢位佳丽唔公平㗎喇！”Do姐打圆场问李明芙：“冇唔公平，个个都有机会，系咪呀？”此环节才告一段落。

网民都大赞Do姐的教材级表现，认为麦明诗输得抵，留言：“do姐主持功力就系劲在 能够兜完场得嚟又串得靓😂”、“Do 姐嘅 dead air 应对 真系好好的主持教材。 经验的表演。 打完场又化解 dead air 又讲到事实冇废话 又回应到提问 。”、“Do姐到现在仲未有司仪可以代替”

到底当年麦明诗选港姐时，Do姐又有冇刁难她呢？翻睇《2015香港小姐竞选》，Do姐就问：“假如香港可以增加一个法定假期，你觉得加一个乜嘢节日，系应该放假㗎呢？”麦明诗瞬即回答：“我会拣八月最尾个礼拜日嘅翌日啦。（Do姐：点解呢？）因为就系听日啰。（Do姐：你要有个原因先得㗎。）之前喺英国读书𠮶时，王室生日或者重要庆节都会放假，香港就冇君主制度，我觉得最接近就系香港小姐，既然今日诞生香港小姐，咁听日就放假喇。”而曾志伟、陈百祥都很认同她的表现，叻哥还赞她有大志，其实麦明诗本身已经答得好，当然无需Do姐“放水”。