专访｜孙慧雪爆最辛苦演宫女 每日企足十几个钟：企到子宫下垂

孙慧雪小时候很喜欢看电视，最喜欢的演员是林家栋，由于林家楝是艺训班挨出头，所以孙慧雪觉得艺员训练班出身的人很有型，亦令她一心想做演员，她说：“有人同我讲选美快的上，但我当时冇勇气上台著泳衣所以冇拣呢条路。”

孙慧雪当年２４岁参加第二十期艺训班，实习期间“四千五蚊任做”，演得最多不是路人甲而是死尸，就连电视城入面的化妆师见到她，已知道她又要演死尸“我当时花名叫尸雪”

除了死尸外，还有宫女即是古装剧主角身后的妹仔，闲角做足十年，有次拍剧当主角替身，更被幕后人员揶揄永远没有机会做前排演员，她说：“做主角替身系会靓啲，当事有人话珍惜下喇，妳咁嘅样冇乜机会。”
孙慧雪上年离开效力１８年的TＶＢ，由无人认识的御用死尸，到现在成为星级妈妈，最近更担任ViuTV节目《美丽40路》主持，坚持的人是会得到回报。

场地鸣谢：The New York Cut

孙慧雪最近担任ViuTV节目《美丽40路》主持之一，现时她是演员，KOL，星级妈妈，但06入行的她，曾经历接近十年的闲角生涯，更是死尸专业户，在《秀才爱上兵》剧集中更是由头到尾都是演尸体，她说：“有一场讲我系条尸，挂咗起个稻草人上，咁工作人员要将啲稻草塞哂我身上，后尾佢哋发现漏咗一个shot未拍，我就挂咗喺度三个钟⋯⋯哈哈 落返嚟有少少想呕，同埋块面好痕⋯⋯”

被父亲责骂发明星梦

每逢演死尸，剧组助导按传统，拍完后必定给那位演员一封利是，孙慧雪演得太多次数连助导都懒得再给 “有啲助导⋯⋯哎呀⋯⋯唔记得咗呀，由佢啦，我其实自己银包已经袋定封利是”
就连家人都知孙慧雪长演死尸，孙慧雪没有介意反而家人替她担心，她说：“我爸爸讲过一番说话，我好记得，佢话‘妳知唔知点解成日做死尸呀？因为妳靓又唔系，可爱又唔系，妳乜都唔系呀，所以妳有咩做？咪剩系死尸可以做啰？’可能佢讲呢番说话系心痛，同埋可能觉得‘妳唔好再嘥时间啦，喺到发明星梦？’佢唔明只要你坚持，努力咁先无悔，但我爸爸当时唔系好明，所以会咁闹我。”

“仲有一次我拍旅游集志封面，爸爸成本书买咗返嚟，见我返嚟一嘢将本书揼落地，睇下妳几样衰，个黑眼圈大到，因为我拍剧成日无觉瞓，同埋要兼职做model帮补下。”孙慧雪当时很痛心父亲对她的不理解，但现在已明白女儿，更是女儿的头号粉丝，会记下女儿所有演出。

在家练习演死尸演技

孙慧雪表示演死尸也有演技，她说：“有次导演同我讲，妳演𠮶条死尸要俾人淋水呀，妳要尽量唔好斩眼，咁我真系好紧张，返屋企真系练，合埋眼唔透气，再见屋企人睇下我只眼有冇郁。”

“企到子宫下垂”

除了死尸外，孙慧雪演得最多的是宫女，亦是她觉得最辛苦的角色，“真系企到子宫下垂！”孙慧雪拍《公主驾到》《宫心计》等，她饰演佘诗曼身后的“妹仔”，经常在她的背后，由于监制梅小青制作严谨，每次开厂拍摄时间很长，主角辛苦，身后的演员亦辛苦。

演宫女很多时站在主角身后不用说话，看似很容易掌握，但原来亦有一定学问，孙慧雪说：“每组导演都唔一定标准，有啲导演要我哋演宫女嘅耷低头，‘妳做乜颚高头呀？皇帝斩妳个头呀！’咁我哋就耷低头唔敢做任何反应，但另一组导演拍又唔同，‘喂，前面讲紧嘢，后面𠮶啲俾啲反应好㖞’咁我哋又要做反应，即系替主子心急𠮶啲表情。”

孙慧雪最为人记得的演出，一定是《志云饭局》入面当陈志震的助手及《美女厨房》的粥饭面饭，之后在剧集中多演闲角或戏分少的角色，有时亦会没有通告在家中等运到，她说：“试过无嘢做成个月，我心谂自己系咪咁废，于是我去咗做舞台剧，唯套舞台剧叫《火星人》，咁啱有次被监制潘嘉德睇到，之后佢揾我做《On Call 36小时》的一个角色“碌拎”，我就有得去开演员会，虽然唔系主要角色但我可以去设计自己角色，我已经好开心。”

性格乐天不怕辛苦
亦由这个角色开始，孙慧雪星途开始改变，有连戏角色，戏分与对白亦开始越来越多，孙慧雪终于达成了她的梦想成为一个有戏演的演员，而她回想最难挨的十年，她觉得最难挨是对未来那种无法预计的无力感，反而身体上的辛苦，没有令她难受，她说：“身体上的辛苦，辛苦完就唔记得架啦，同埋就算整亲，我觉得我会好返嘅，我老公都话我，我个人好似无乜所谓但当我决定要做一件事，就冇人改变到我，我都畀人质疑过，话我妹仔样，有咩会畀妳做呀，我会返去反醒下系咪真系咁呢？但训醒觉又无嘢，因为我唔信我唔得，可能我系要慢啲咁就慢啲啰。”