【书展2017．街访】去书展未必系为嫩模　买旅行书都系重点

话咁快一年容易又书展，今日系第一日唔洗讲当然系人头涌涌喇。唔知系咪要迎合港人最喜爱嘅嘢呢，所以今年书展系以“旅游”为主题。但现场所见，各大出版社还是以流行读物放在当眼位置，要买旅游书嘅市民就要睇下地图揾专门出旅游书嘅出版社喇！

《香港01》就特意揾咗两间专门出旅游书嘅出版商做访问，他们都不约而同话今日销情最好系“日本”及“台湾”嘅书藉，仲话销量好过上年，买书嘅市民几乎都扫两本先肯走。原来今年嘅旅游书亦多咗一个主题就系“海外婚礼”，出版商负责人表示知道有好多香港人近年都喜欢到外地举行婚礼，所以今年特别加设“海外婚礼”，认真有谂头！

另外，我们亦找了几位市民做访问，有部分市民都知道今年书展亦“旅游”为主题，但今次到书展都不是为旅游书而来。基本上他们都认为现时已经不再需要买旅游书，逛书展都系想睇下有无自己喜爱嘅作家书藉，不会因为今年用“旅游”为主题就去买。其中莫小姐表示宁愿上网睇youtuber嘅介绍，“因为去旅行已经有一笔钱要出，如果再买书就太浪费，而且睇youtuber嘅介绍资料会新过旅游书。”