金式森林｜视帝郭晋安大赞新人庄子璇有演戏天份：好多技巧佢都识
撰文： 吴子生
出版：更新：
郭晋安（安仔）今晚（25/9）现身尖沙咀出席无线新剧《金式森林》煞科宴。安仔接受《香港01》访问时表示：“虽然拍嘅过程有辛苦嘅时候，但同大家系拍得好开心，因为每一个人同我做戏嘅戏路都好唔同，例如对住罗子溢同陈晓华都会唔同。但有一个人真心要赞一赞佢，𠮶个人就系庄子璇，佢系冇读过训练班，但有好多嘅技巧佢竟然都识。我就问佢点解你会知嘅，佢就答我见我哋点做，佢就会知。佢系好有慧根，系代表住2024年新一代，亦都希望佢会攞到新人奖。”
对于是否个人气场太劲，为对方增添不少压力？安仔笑言：“真系唔好意思畀到呢啲压力佢，我好希望佢能够可以做得更好，尤其是当我哋完成晒成套戏之后，大家都会检讨返之前做过嘅戏，佢系有一啲嘅睇法去话返畀我听可以做得更好。当然一个新人就唔好畀咁多压力佢啦，佢都系第一部戏啫，希望观众俾多啲机会佢。”