陈晓华与朱敏瀚传年底结婚：婚纱舖问我要唔要赞助

早前有报导指陈晓华将与朱敏瀚年底结婚，消息至今二人未有回应，今晚（25日）陈晓华出席剧集《金式森林》煞科即刻成为焦点，被问起朱敏瀚及结婚，陈晓华笑不停：“（妳年底结婚㖞？）点会结婚呢？真系唔会结婚 ，假㗎。（但话妳同朱敏瀚年底结婚㖞？）哎呀 直头有人话我有咗BB添啦 （下？妳真系有咗？）我冇呀，真系冇呀，冇结婚冇BB ，（亦都冇拍拖？）拍完剧喇，啱啱，啱啱拍完剧啰，所以而家先至有闲情去理下身边嘅事啰，（系咪玩神秘咁呀？）我有好消息就话畀大家知，冇呀，冇结婚呀，千祈唔好信呀，直头有人呢，即系𠮶啲婚纱舖头问我，使唔使sponsor啲婚纱畀我呀，我冇呀，冇呀。（全世界都嚟恭喜妳㖞？）系，但我都好开心，大家系咁恭喜我，我自己都好开心呀，（你屋企人咩反应？）我阿妈都知唔系呀，佢完全冇问我，最唔关心就系我屋企人！”