郑世豪爆离巢无线真正原因竟同一件事有关：抑压住啲情绪

早前一直有传在TVB处境剧《爱．回家之开心速递》中饰演“细龙生”的郑世豪约满离巢。谣言四起。事后“大小姐”林淑敏接受《香港01》访问时亲口证实郑世豪离巢消息属实。事隔不久，郑世豪在社交平台发文宣告离巢无线，同时亦炮轰某人“以代言”身份率先披露他离巢消息，极严重影响其家人。

今日（25/9）郑世豪现身旺角出席HOY TV风水节目《见招拆招风水局》宣传造势活动。对于坊间有指他因合约条款不合，决定离开无线。郑世豪接受《香港01》访问时郑重表示感激无线多来年一直栽培给予机会，离开完全是个人决定：“其实都系合约去到一个最后嘅阶段，毕竟自己都喺无线都做咗24年，自己都谂系咪应该试吓一啲新嘅冲击呢？尝试唔同嘅新嘅嘢呢。（选择离开要好大勇气！）其实都真系大勇气，因为我系好唔舍得，都挣扎咗好耐，系咪真系要行呢一步去寻求一啲新嘅发展，去俾自己一啲唔同嘅可能性会系点呢？最后都同公司倾我嘅谂法。公司了解咗我之后，都放手让我出去一试。绝对唔系话价钱唔啱，又或者其他嘢。反而我系好感激无线对我嘅栽培，令到今时有咁多人认识我“细龙生”郑世豪。如果问我系咪悔恨咁离开，绝对系冇。”

至于讲到被“大小姐”林淑敏爆离巢消息，世豪表示：“例如你去睇完一套电影之后，你系唔会话俾人听最后嘅结局系咩。记得当时有其他传媒透过短讯问我系咪离巢，我都唔识得点回应，因为我本身个人好低调，同埋我亦未完全同家人交代成件事，𠮶一日见到佢同你哋讲我离巢，我系好愕然。因为本身我知我仲有最后一集剧集要出街，我系想等到𠮶一集播，先同大家讲我离巢。（事件发生后，林淑敏有冇打电话俾你？）佢冇打俾我，其实到我离开咗无线之后，我同佢都冇再联络。”

当重提早前他在《爱回家》被屈迟到，在社交平台发文抱怨：“越好人越难捞”，事件是否离巢的导火线？郑世豪表示：“你话冇就唔系嘅，都系有啲嘅。因为明明自己都好晒自己嘅本分，但最后就出咗一啲误会，𠮶一刻系有唔开心，加上又未必有人去理解到件事系点，就自然会抑压住个情绪。（太太有冇开解你？）太太其实一年365日每分每秒都开解我，因为有咩嘢都会返去同佢讲嘅。”