素海霖称羽毛球压抑性欲不实际　“教佢哋戴安全套更重要”

香港首位AV女优素海霖（绘丽奈/Erena），又有新广告做代言，今次是为男士保健产品拍广告，并于今日（25/9）进行拍摄。Erena于拍摄当日以打羽毛球造型登场，正正回应近期教育局出指示，教大家以打羽毛球去压抑性欲，不过素海霖就觉得呢个呼吁冇乜用︰“打完羽毛球身水身汗咪仲更加性冲动。”

素海霖好开心今次可以再做男士保健产品代言，“可以令男士身壮力健，打多啲羽毛球，打得劲啲，唔会畀女性打败。”迎合话题，今次更以打羽毛球造型亮相，另外仲会有打拳及跑步造型，全数系运动主题。素海霖︰“呢个可能系我史上最密实的广告，广告商都叫我唔使咁性感，著Sport Bra就OK。”

原来素海霖本身正正是羽毛球女将，“我系校队，拎过奖。小学打得专注啲，中学就靠个底都打得唔错。”但今时今日打羽毛球变成压抑性冲动的最佳活动，不过对过来人来说，就不见成效︰“打完羽毛球身水身汗咪仲更加性冲动。”

素海霖自言细个都有不少性冲动，会偷偷地上讨论区睇相止渴。“当年未系睇AV，当然不鼓励大家咁做，但其实挡都挡唔到，因为年青人一定有呢种好奇心，学校应该要好好教育一下，而唔系乜都Say No，叫人揿住性冲动。”

问到如果有机会主导性教育方针，佢又会点做呢？“我觉得首先要教佢哋戴安全套，呢个系最重要，你叫人唔做，又真系会唔做咩？但至少要大家戴安全套，要预防性病，因为一有咗BB真系会承担唔到。”她更呼吁年轻人，千万唔好因为性冲动而做错事。

问到早前其IG帐号被封，经多月后才翻生，素海霖语带气愤表示已多次被检举，先后封锁了6、7次，一共花了十万元去令它重生。不过乐观的她又表示︰“好sad呀，使用上已有一定经验，已经好小心，但都仲系俾人检举 ，但又咁讲，如果我系无名氏，就风平浪静啦，但我唔想要风平浪静。”

随后，素海霖透露下个月会出席台湾为YouTuber及其他新媒体互联网创作者设置的走钟奖，因为她跟试当真拍过MV故有份入围。“今次会同试当真代表香港，如果顺利出席，我将会是第二位AV女优可以出席呢个活动，第一个就系上年的河北彩花，我都觉得都几劲。”