玛姬指月底麦花臣演唱会无奈被迫取消 ：我觉得天跌落嚟当被冚

玛姬（Maggie)今日（24日）出席电影首映礼。她接受 《香港01》访问透露月底将要举行《玛姬给女王的盛宴慈善演唱会2024》现阶段已经正式宣布取消，她说：“本身要举行人生第二次演唱会，本身都系好期待，上次系自己做主办。今次就受到制作公司嘅邀请以一个歌手嘅身份去接job。九月头就收到一个噩耗话制作单位同埋公司出现咗一啲状况，好无奈就听佢哋讲个演唱会要取消，因为要转过主办单位，所以要重新入纸，大家都知道香港嘅场地好爆，我相信今年都未必完成得到。”

她透露希望能够再在麦花臣开演唱会，并表示：“人数我相信自己系卖到飞，界红馆嘅场地我其实我都做唔到。”她指刚公开发售门票已经要延期。被问到会否因为取消演唱会而喊，她说：“好彩我不嬲EQ都好高，我觉得天跌落嚟当被冚，我都明白公司面对嘅压力同问题，都要共同面对。”她提及演唱会原本邀请尹光和黄建东做演唱会嘉宾，并表示：“其实佢哋未收到报酬，佢哋话因为我就唔会计得咁足，如果计行规就真系要收足，不过因为为我嘅原因所以赔偿嘅费用就算。”

至于黄建东早前透露会练六旧腹肌，她笑言：“咁我就冇检查佢，我认识咗佢有10年，由佢选美嘅时候出身，咁佢就开始肥咗10年，食我三倍四倍嘅份量，有二百几磅嘅身形系佢应得嘅。”她有鼓励黄建东减肥就可以做到男一的角色，并表示：“今年之间突然之间见到佢瘦咗好多，面都瘦埋同埋尖，佢就真系瘦咗30磅，佢而家食饭食得少过我，菜都要用热水浸过去油！”