周殷廷与Gin Lee只能做密友　冻饮论其实系行销策略？

周殷廷昨日（22日）出席“Pink Dot HK 一点粉红 2024”，他表示原定会跳唱，但因落雨关系，所以决定企定定唱，仲话自己全黑打扮，唔怕会“透点”。周殷廷日前才由新加坡返港，他表示此行十分有义意，甚至衣锦还乡feel，因为是第一次以歌手身份在当地演出 。“因为表演场地系我细个成日流连嘅地方，个感受好冲击，原来都行咗一个咁大嘅圈，又有一班fans 飞咗过去，又有一班朋友去睇，冲击好大，因为香港系做嘢嘅地方，新加坡系见朋友嘅地方，但两件事一齐感觉好特别。”

周殷廷早前与Gin Lee（李幸倪）拍片，二人友好程度系可以倾电话倾足十几个钟，更有网民指成为密友大概总带着爱，促二人拍拖，周殷廷直认同Gin Lee好衬好夹，但唔会往拖友方向谂。“我明网民有投射，但佢似我村口啲friend。（即系落闸？）系度闸从来不存在，唔需要落同唔需要开。”

另外，周殷廷拍摄嘅广告出街，当中有“冻饮”桥段，莫非早前嘅“冻饮”论其实系markting ? 周殷廷解释拍摄广告时，因为见到冻饮tag而勾起过往嘅回忆。“无谂marketing ，当你穷到尽头会好记得个感觉。（冻饮论后有无多咗JOB？）我唔知关唔关事，但系多咗人讨论，我好期待自己第一个柠茶广告。”至于与环球续约事宜，周殷廷表示仍未成事，但环球依旧是放在第一位。问到Gin Lee会否邀请他成为同事，周殷廷表示要守君子之约。