J.ARIE 否认抽“明登”水 　自爆有打羽毛球了解他人：无咩好忌讳

“Pink Dot HK 一点粉红 2024”今日（22日）喺西九文化区艺术公园举行，虽然雨势有增无减，但无损入场人士嘅雅兴。

⁠J.ARIE（雷深如）首次参与Pink Dot演出，她自觉完成了人生其中一项清单。提到早前因一句“了解中系咪即系打咗羽毛球？”而引起极大回响，她接受访问时指打羽毛球系认识人嘅好好方法，更指如今已经2024年，唔明大家点解咁避忌讨论。“我都会用打羽毛球去认识人，同埋讲返件事，我纯粹想探讨一个现象，因为𠮶期好多人用‘了解中’呢个terms ，咁了解中系拍拖嘅边个阶段？我纯粹一个好无聊嘅问题，我个平台不嬲无咩人睇，但𠮶个Threads 好多人睇。”

而对于被指抽水，J.ARIE认为只要回应社会上所发生嘅事情，都会系抽水，而她未有指名道姓评论事件，问到是否因见到Edan嘅了解中而有感而发，J.ARIE话印象中有唔少人都以“了解中”回应，当中包括自己好友保锜。“我都有了解中嘅人。（有无打羽毛球？）打羽毛球系了解一个人好重要嘅方式，但并唔系唯一方式，所以无咩好忌讳。”J.ARIE望以艺人身份推广性教育，因为有些传统教育比较不合时。