叶童回应拒绝内地男合照　黄德斌唔排除返TVB：而家系自由身

叶童、黄德斌、杨永德和李俊乐今日（18日）出席舞台剧《唔讲得》发布会，并在台上率先分享饰演的角色，而叶童在台上分享希望“笃黄德斌个手臂”，黄德斌接受访问笑说：“等等我再操练吓先，呢排冇乜练习。”被问到二人会否温馨亲热场面，叶童则笑说：“有阵时透过对白都会。”黄德斌回应：“我相信再排落去都会有啲，但系持续有几耐就唔知，下一秒又可能反晒面。”

叶童被问到日前现身内地某机场时，突遭一名男粉丝冲出来要求合照被吓亲一事，她说：“因为𠮶日我已经入咗禁区，佢（男粉丝）忽然之间好兴奋想入嚟禁区同我影相，我就好惊佢俾人赶走，于是我就话唔好埋嚟，可能佢觉得我点解会拒绝佢，忘记咗自己系禁区，咁我明白系一啲沟通嘅问题。”谈到有否留意该名男粉丝拍的道歉片，她表示：“有朋友send咗俾我睇，其实我冇嘢嘅，其实系一啲误会。”

讲到吕爵安（Edan）公开向女神林明祯认追求对方，黄德斌笑说：“追人应该大胆啲，冇乜所谓，爱情嘅嘢系咁㗎啦！。”至于昔日战友林保怡回巢TVB拍剧，他直言：“我冇所谓㗎，我而家系自由身，揾我都系可以合作。”

杨永德被问到有会否协助叶童达成愿望“笃黄德斌个手臂”，他笑说：“睇吓导演点样，既然讲到呢件事睇吓个剧本现场有冇得改下先。”李俊乐对于今次舞台剧所演绎的角色则保持神秘，并透露今次会与三位演员合作。