黎彼得感谢善心女星去医院送餐兼帮手找数　却爆被此男歌手当透明

黎彼得入行多年，幕前幕后都做过，他近来就在YouTube主持《玖噏秘笈》节目，爆了不少娱圈秘闻，不过他也明言，讲太多会得罪人，有时只能讲表面，索性开一集讲想多谢的人。

前阵子很多人讨论郑中基事件，也有人叫黎彼得讲他，他却说：“郑中基我就唔会多谢佢，因为我同佢完全唔熟，有一次喺TVB，同埋一架䢂，佢竟然无视我，大佬我衰极都叫一个小小嘅艺员，你冇理由当我隐形啩？佢真系可以眼尾都唔睄你，我话唔紧要啦，而家新一代系咁，但系佢唔明，我同佢爹哋郑东汉，Norman郑原来曾经系朋友，好熟添，𠮶时一九七几年识，佢帮过我忙，所以我一路鸣谢佢，我同Norman都有偈倾，好好人，估唔到纵坏个仔，呢啲我唔想再讲。”不过他就补充，一家唔知一家事，自己都无谓评论他的事件，“阵间又话‘你又踩人个仔，你个仔好叻咩？’咁唔好提喇。”

之后他就讲了三个要鸣谢的人，在他患病时雪中送炭，很多人听过刘銮雄在黎彼得入院通波仔时，支付其手术费和生活费，更表示自己是《小男人周记》大古惑的Fans，使他受宠若惊。不过黎彼得不想大刘觉得他借对方宣传，所以只在影片轻轻带过其恩情。

他尤其感谢的，原来是与他完全不熟的余慕莲（鱼毛），讲到近日鱼毛姐宣布将遗产捐给工业伤亡权益会与东华三院，他认为相当可敬。鱼毛姐是其圈中少有的女性朋友，讲到二人如何结缘，黎彼得表示：“𠮶轮我因为肺积水入咗浸会（医院），佢间中竟然攞啲早餐嚟探吓我，我觉得奇怪，同佢好少合作，点解会咁样呢？”黎彼得在将军澳宝林捐钱搞仁济医院靓次伯纪念中学，原来鱼毛姐想捐学校去贵州，却又怕被呃钱，所以想向黎彼得了解当中程序，因而成为好友，甚至一齐唱粤曲。他指鱼毛姐在幕前做丑妇、垃圾婆，但私下为人非常值得尊敬，再透露：“佢当年曾经同我找过数，医院，佢话你唔落得床我帮你找咗先啦，医院好得意，住到咁上下就要你找咗一笔先，惊住你走数，所以我要喺度多谢鱼毛。咁要还㗎嘛，佢话‘你边有钱呀，不如分期还啦。’佢话㗎咋，结果我分期还，还晒。”

另一位他感谢的是黄玉郎，他说：“八几年𠮶时我因为肝炎，我𠮶时喺玉龙集团做，佢帮我找数，找数一半，𠮶度都十几廿万，因为住养和医院，我人工唔够，玉郎哥哥唔话得，我虽然辞咗职，佢都同我找数，呢个又系喺呢度先（多谢）。”