豪门女婿当年将恋情包到冚　却因陈奕迅令婚讯曝光连累外父被追访

近日吕爵安（Edan）与林明祯的恋事引起不少讨论，有圈中前辈就曾发声，认为艺人都有恋爱自由，不是每件事都必需向公众交代。日前江美仪、吴家乐、梁铵庭主持网台节目《娱乐好好玩》时，就表达对这个议题的看法，而江美仪和吴家乐更引用自己秘婚及尝试秘婚一事作例子。

江美仪当年与吴君祥拍拖多年，期间原来曾经历了秘婚和离婚，她问：“系咪乜嘢都要同你讲呢？”当讲到隐瞒婚讯的原因，她说：“我做艺人乜嘢都要俾人知道，行出门口，乜嘢都反晒出嚟俾人讲，我净系想有一样嘢保持住我唔讲，我要留返样嘢系属于我哋两个，我唔想俾人知。”吴家乐听到这里，立即跟美仪击掌。她说其实就算离婚一事，也不是她想公开，本来她只是跟传媒说已跟吴君祥分手，但记者太识问问题，走去找吴君祥父亲夏春秋（冬叔）问回应，方令这段婚姻曝光，她说：“因为佢哋讲嘢真系好叻，有人就chok到冬叔讲咗出嚟，咁大家咪知道，check到我哋结婚证书。当然，咁咪认啰，你哋揾到，跟住又话有冇搞错，做乜唔讲，点解我要讲呢其实？”

而吴家乐与其士集团已故主席周亦卿女儿周蕙蕙结婚18年，令外界一直称他“豪门女婿”、“50亿驸马”称号，他透露当年其实从拍拖到入纸结婚都相当保密低调，没想到最终竟因陈奕迅令婚事曝光。家乐说：“18年前，𠮶时我拍紧拖，入纸申请结婚，啲人完全唔知道我同我太太拍拖，点解会知道注册结婚呢？我要多谢一Pair，陈奕迅！因为有记者收到风，陈奕迅入纸结婚，你申请注册结婚，佢要将你（张申请书）摆15日睇吓有冇人反对，𠮶阵时仲有狗仔队， 揭揭揭，陈奕迅结婚、徐濠萦结婚……吴家乐？系咪𠮶个吴家乐呢？跟住就去查，查查吓就查到出嚟，啲人就觉得一定系奉子成婚。唔出声，有咗，先至结婚，我唔讲啫。”

他认为太太并不是圈中人，没必要公开，但狗仔队的追访攻势令他感到非常困扰，他说：“𠮶阵好麻烦，狗仔队真系不断跟到你，追车，截停你，我唔系一个高调嘅艺人，但系佢又觉得呢个新闻有啲嘢发生系大家唔知㖞，𠮶时啲狗仔队真系好狼死，真系揸住扎花上嚟我管理处，跟住话截停佢，又去我外父食早餐𠮶度问佢，𠮶时我外父话：‘讲啦，你畀张卡片我，坐低食早餐，我同你慢慢倾。’又走咗上我爹哋公司偷影、敲门。”

而其中一次，家乐揸车在高速公路被截停，最终不得不报警求助，他表示：“𠮶时喺高速公路，我有警觉性嘅，我知有人跟住我，跟咗咁耐，谂住佢收工，我一路唔返屋企，喺公主道佢闸停我架车，佢话：‘有冇嘢讲？我今日冇料㖞。’我谂好多艺人经历过𠮶阵时狗仔队年代，𠮶个态度系‘哗，咩事呀？’跟住咪报警，同埋你千祈唔好搞佢，另外有个人喺对面一路拍住你，你最好郁手！佢就系要呢啲嘢，咁我咪话报警啰，警察嚟到佢真系话‘咩啊？唔得呀！’依家冇咗狗仔队𠮶个年代，真系要多谢。”江美仪就透露，自己未遇过这些被狗仔队追访的惊险事件，唯独是自己的车牌曾被刊出，令她觉得很差劲，“好大压力，你影到我架车，唔需要登埋个车牌吖？”