《流金岁月》4K修复版缺失两分钟有段故 杨凡自嘲：我系九流导演
撰文： 林迅景
出版：更新：
1988年经典电影，由杨凡执导，钟楚红及张曼玉主演的《流金岁月》4K 数码修复版，于昨日（08/9）于尖沙咀文化中心举行世界首映会。杨凡以及许鞍华、陈果、林奕华、吴思远、刘天兰、刘国昌等资深电影人均有到场。
杨凡导演接受《香港01》访问，说：“好大感触，首先好多谢电影资料馆办得咁隆重，其实我个人好随便，从来都冇谂住做大师或者有咁多嘢去support一个人。我觉得电影系大家一齐做嘅。好奇怪，修复咗电影之后，好似带咗佢周围去走，都系我自己一个人，因为靓𠮶啲女主角，佢哋个个人都唔出现㖞，即系好低调。就系因为佢哋唔出现，所以令人更加怀念佢。”问有没有致电两位女主角到场？杨凡导演回答：“我有WhatsApp佢哋㗎，佢哋从来唔覆我WhatsApp。而家覆我WhatsApp，净系叶蒨文同张艾嘉，叶蒨文今日喺北京唔嚟得，张艾嘉佢飞咗去多伦多唔嚟得。”
访问中，杨凡导演也透露，4K 数码修复版与原版相比其实少了两分钟。他说：“其实呢个版本同36年前就争咗两分钟，因为36年前呢，有一段戏就系张曼玉，佢同邓浩光讲自己身事，𠮶啲有啲观众唔耐烦，发行就话呢段戏系咪可以将佢缩短啲，咁我就剪咗两分钟。𠮶阵时剪咗两分钟之后，就系唔见咗㗎啦，所以𠮶时修复就系补唔返𠮶两分钟，所以我话𠮶两分钟就系观众对我嘅一个遗憾。”
《流金岁月》缺失了两分钟会否感到可惜？杨凡直言应该是观众感到可惜，说：“佢哋要问返当年嘅观众点解咁样对我。当年啲观众对我好恶㗎，有个观众佢写呢一套片系‘一流演员，九流嘅导演’，我都接受㗎，我系九流嚟，不过好多想睇，就系咁样。”
点击下图睇现场布置：
+23