赵希洛再中新冠病足两个月　透露有后遗症：对眼睇嘢有啲蒙

赵希洛病愈后，于今日（7/9）出席观塘书市活动。赵希洛透露早前确诊新冠，病足两个月，期间不断咁咳相当辛苦：“而家个病情已经好咗好多，之前系咳到我市唔到嘢，长期喺屋企唔系食药就系瞓觉，已经好耐好耐冇出去见人，连朋友都冇见，因为好怕会传染到人。我知道好多人唔见咗我一排，以为我唔接嘢做，其实我只系病咗啫，好返我会继续做嘢。不过而家我对眼睇嘢有啲蒙，唔知系咪后遗症。因为以前我对眼视力系好好，睇嘢好精灵同好清楚，我啲朋友笑我会唔会系老花，我觉得唔系啰。”