中年好声音2｜郑梓浩被前女友力数渣男 梁凯榳：发泄一下都系正常
撰文： 吴子生
出版：更新：
《中年好声音》梁凯榳今晚（6/9）现身沙田大会堂出席音乐慈善演唱会。对于《中年好声音》连环爆丑闻继梁浩铨曹敏宝绯闻及龙婷Hello Kiss之后，近日再有《中年好声音2》郑梓浩被前女友力数渣男行为，指供养7年期间大玩小三小四，更公开人妻小四为孙耀威胞妹孙美贤，事件震惊娱乐圈。
梁凯榳接受《香港01》访问时表示：“其实我同郑梓浩唔熟，只系接触过一次，比我感觉佢个人系好静，可能我唔系佢杯茶。佢见到我会叫我做师姐，但我就一额汗，明明佢好早就出道，竟然叫我做师姐。（觉唔觉佢系好识同人打开话题嘅人？）我谂算系，但我就冇同佢密切咁倾过偈。（睇到佢单新闻有咩感觉？）我觉得唔好得罪女人。不过咁讲，其实感情系有好多故事，每个人钟意嘅嘢又唔同，家家有本难念的经，咁所以唔评论。而女方都同对方拍咗7年拖，应该系好有感情，佢发泄一下都系正常嘅。（连番爆出丑闻会唔会影响《中年好声音》个形象？）我相信观众眼睛系雪亮，因为喺呢行好多艺人都有好多绯闻及新闻，我觉得都系正常嘅。而我做返自己应该要做嘅嘢就得。”
梁凯榳表示与郑梓浩并不熟稔。（梁碧玲摄）