舒适堡结业｜TVB星级司仪签咗十年合约成苦主：谂住九千八好抵

撰文： 钟冠全
出版：更新：
舒适堡今日宣布结业，令一众健身人仕惊讶（郭梓谦摄）

舒适堡Physical健身室中心今日（6日）突然宣布暂时全线结业，圈中有不少艺人是苦主，当中TVB星级司仪兼六合彩节自主持人蔡国威就是苦主之一，他向《香港01》表示自己一直是健身爱好者，今年1月签约舒适堡，还要签了十年合约，唯有寄望新投资者可以照顾旧客户。

蔡国威一有时间就到健身室操肌，所以身材相当健硕。

蔡国威说：“其实我系今年一月先join返，好耐之前都系舒适堡嘅，咁中间又转咗去Goji，之后Goji执咗，就开始Covid啦，完咗之后我就去咗24小时嘅24/7健身中心嘅，啱啱完咗24/7𠮶张约之后，我系一月再转返去舒适堡。”

蔡国威由亚视转到TVB，除了主持六合彩外亦拍了不少剧集，2022年更提名〈飞跃进步男艺员〉。

9800元十年会藉

“其实今朝12点几转返三号风球已经有谂下昼系咪过去做gym，咁⋯⋯结果系唔驶去啦，话暂时结业喇，咁无得去做运动啰，我个会藉系十年嘅，而家都蚀蚀地，咁见佢今日通告话有新投资者，都话会照顾返哂啲旧会员，咁我暂时系一个观望态度啰，希望佢哋真系好快有个新投资者出现，其实我都几黑仔，做边间执边间⋯⋯哈哈，不过来来去去都系𠮶几间，所以而家谂紧系咪join返啲24小时嘅健身中心。（有冇俾人sell买过百堂私人教练课程？）我好叻嘅冇畀人sell堂嘅，只不过年头觉得9千八百蚊有十年约好抵㖞，觉得玩佢两三年咁样啰，冇谂过一个风佢就顺势执埋。”