扎职3｜黎峻刀捅周励淇块面劲紧张　上堂整伤手腕：3个月冇得健身

32岁英皇艺人黎峻（Kenneth）最近有份参演英皇电影《扎职3》，Kenneth接受《香港01》 表示：“系陶大宇𠮶边嘅头马嚟嘅，打戏嘅部份同张继聪比较多啲。”他继续最难忘与张继聪在医院拍摄打斗戏，并表示：“自己都有去练武术同埋动作特技，真系去到拍嘅时候有啲紧张，张继聪都有教咗我好多动作。”

刀捅周励淇块面劲紧张

讲到其他惊险拍摄场面，他说：“有一场严刑迫供陈家乐，我负责将啲水落佢块面𠮶度，所以比较危险，𠮶阵有用毛巾冚住啲水，全部都系真实去做，所以都紧张，陈家乐当然都有闭气同埋做安全措施。”他透露与周励淇演出的一个镜头也相当惊险，并表示：“我要拎一把好利嘅道具刀去捅周励淇，𠮶个镜头劲近，始终佢咁靓女好惊整花佢块面。”他忆述与周励淇拍摄这一幕是相当紧张。

自爆上堂整伤手腕

被问到有否因拍打戏而受伤，他表示：“没有。不过自己上动作堂时候，唔小心整到手腕个骨移咗位，有3个月冇得健身，好彩系左手，起码可以平时揿到电话。”他透露看跌打治疗，并表示：“几日冇得洗手！”