香港小姐2024｜倪乐琳被视为夺冠大热　认有压力：好惊令人失望

《2024香港小姐竞选决赛》将于9月15日隆重举行，而昨（4日）各候选佳丽就出席首晤“最上镜小姐”评判活动，而两大热门2号倪乐琳（Ellyn)以及9号陈甜甜（Rose)在接受《香港01》访问时均表示会尽最大努力去比赛，希望不会令到支持自己的人失望。

距离决赛的日子将至，当被问到现阶段在备战心态如何时，Ellyn就表示：“大家都准备得好充足，依家密集式咁训练，所以我觉得都有信心。”而在旁的Rose则表示：“我最大嘅准备就系练好广东话，（点训练广东话？有冇同姐妹讲？）有呀！一直都系用广东话沟通。（担唔担心喺语言上会比较蚀抵？）其实我觉得大家都知道我讲广东话比较搞笑，主要系我嘅搞笑带俾大家欢乐，自信心都系好重要嘅。”

而提到“最上镜小姐”这个奖项，觉得需要具备甚么标准时，Ellyn就二话不说：“我觉得应该要好有镜头感，即系会电晕个镜头，最上镜小姐未必可能系最靓，我觉得一定系最自信嘅一个。”Rose都十分认同，而她们亦坦承会在家对镜作训练。

另外，提到3号王汛文（candice ）夺得“友谊小姐”奖项，她们都表示有投对方一票，Rose就扬言：“我觉得佢大大咧咧好得意，佢帮助我好多，因为我广东话讲得一般，佢就教我讲广东话。”而Ellyn就激赞对方够真诚：“我感觉到佢好真诚，佢好照顾到我哋每一个女仔，成个人好善良、好真诚 。”

最后提到二人被视为大热门，会不会更增添压力时，Ellyn就表示：“我觉得压力会有，好惊令到支持我哋嘅人失望，但都系一个好好嘅鼓励同强心针，毕竟有咁多人支持你，你都想做得好。”而Rose就表明会尽最大努力做到最好：“支持我嘅人同我讲，支持你唔系因为你广东话钟意你，因为你嘅性格比较好、比较搞笑，人比较靓、比较大方，所以我觉得真系要俾心机练好广东话，我真系感激佢哋，因为佢哋喺小红书教我讲广东话。”到底谁能最终登上冠军宝座，我们就拭目以待。