古天乐与“姑姑”李若彤重聚掀回忆杀︰最挂住系雕兄

古天乐、Jeremy（李骏杰）今日出席护肤品牌活动，提到香港演艺人协会，将马拉松式举行School Tour，透过到访学校关顾学生情绪。古天乐表示首站将会是母校迦密中学，虽然公布消息后有示不少学校查询，但古天乐目前想做完首站后再睇情况做决定，问到佢到时会否表演，他说：“我会上台，有个游戏环节我做评审、同校长倾偈，我见个rundown都几长，所以做咗第一次再睇下点。（学生如果要求你唱歌？）我做到嘅要求会听到，做唔到嘅系听唔到。”

提到入行前曾为陈慧娴《Dancing Boy》MV担任男主角片段近日被网民出土，连张继聪都话想send返俾当事人欣赏，古天乐即谓：“唔使啦，都出晒报纸，我都睇咗。（有无勾起回忆？）有！其实平时唔系我拍，系我带人去，成日都揾唔到男人，咁搞到我上阵，一日拍3首，都几辛苦，但𠮶时就系咁。（动作自己谂出嚟？）你都见到我好hea 啦，仲洗度？”古天乐续说，平日唱K如有朋友点自己嘅作品，他会即时行开。“以前去唱K都会有瘾揸咪唱，但近年完全系零，唔知系咪疫情后嘅问题。（有无饮歌？）人哋歌，但人哋点我啲歌的话，我都会藐佢。（最藐边首？）首首都藐。”

古天乐日前喺内地出席活动时，与“姑姑”李若彤重聚，他表示二人除在飞机上偶遇外，亦有在《金鸡sss》合作，而对方每年生日时，自己都会短讯祝贺。“寻日先同佢拍完广告，我哋倾咗好多嘢，我有叫佢同电视台啲朋友一齐食饭。佢喺我心目中永远都系不变嘅姑姑。我哋讲到拍摄时最难忘系咩，我一定系同雕兄练功𠮶场，我记得好似有成5、6页对白，我系咁讲，佢就呀呀呀，真系难为雕兄。”