洪助升考车挑战难度却两度肥佬　着红底裤转考私家车棍波终于Pass

洪助升（Aiden）6月时出席“香港01八周年庆祝酒会”，透露忙著学车补钟，因为他棍波路试原来已“肥佬”两次，决定由棍波转考自动波，问到觉得失败原因是什么，Aiden说：“我觉得我唔够浮夸，望镜要夸张啲，我太耐冇揸车，揸车紧张过上台，会脚震，前排我要揸出路嘅时候有架车过紧嚟，师傅叫我刹车，我就踩咗油门，差啲发生意外，希望自己唔好做公路炸弹。”

他当时透露将在8月尾再考车，表示会用二十分努力去补钟，因为连教车师傅都有点担心他的状况。不过，他日前于IG出post，宣布成功考获车牌，而且最终冇转自动波，仍是棍波。师姐Gin Lee李幸倪留言恭贺兼顺道宣传新歌，“恭喜‘新牌仔’！”同公司的许靖韵（Angela）亦留言笑谓：“咁惊？”十分搞笑。

Aiden表示自己是“一take pass”，“笔试系一take pass。路试之前系考轻型货车，但考咗两次都肥咗之后，就决定转考私家车嘅棍波。之前多数都系衰紧张，我觉得揸车仲紧张过唱歌，我系一路揸一路脚震，所以成日踩break都踩得好差，去到后尾决定转校私家车，所以考私家车都算系一take pass。”

问到考车贴士，Aiden认为除了之前疯狂约教车师傅上堂，最重要是不要自我质疑，因为每次考官放下iPad时，很自然会紧张，不停想是否“被肥”，所以当紧张的时候自己会不断深呼吸；衣着方面，他亦有心得分享，“考车𠮶日特登着咗公司𠮶件‘ABCDEEG’T恤，系冇‘F’呢个字，所以就好顺利地冇fail。仲有就系准备定一条红色底裤，考车我觉得运气都占一部份。”

Aiden又谓成功考获车牌后，最想接载屋企人游车河，“因为佢哋好钟意游车河，我系屋企第一个有车牌嘅人，所以我都想希望快啲有部车可以带佢哋周围去。”除了跟家人游车河，Aiden亦想跟朋友自驾游，“想快啲过完P牌之后有国际牌，可以同朋友去旅行自驾游，去唔同嘅地方周围睇吓周围玩吓。”现在的目标是希望买车，至于Dream Car，Aiden谓一步一步来，“Dream Car我有好多部，但呢一刻自己想买一部电动车，一嚟环保啲，二嚟希望座位比较多啲，咁就可以车多啲唔同嘅朋友、屋企人去玩，呢个系暂时最主要。”