周殷廷回应蓝奕邦曾被环球禁止出同志活动　自爆冇受捆绑：好开明

周殷廷（YT）今日（3日）“Pink Dot HK 一点粉红 2024”记者招待会，他接受表示：“我人生第一次参加（同志相关活动）系喺新加坡，𠮶阵时同一班朋友参加呢个活动去庆祝。”他继续指今次是第二次参加类似活动。被问到过去曾经有否男同志追求，他表示：“男仔追嘅经验又冇㖞！不过我有个朋友同我讲YT如果你唔钟意女仔，就快啲同我讲，我mark定咗你。”

被问到在活动上蓝奕邦提及与旧公司环球唱片，曾经在当年禁止他出席与同志相关的活动，他表示：“其实啱啱蓝奕邦话2014年，𠮶阵我未返香港，我未清楚当时发生咩事。我觉得环球唱片嘅沟通方法今日嚟讲都系好开明同开通，去支持一啲好嘅嘢。其实之前都有人问我个合约系点，我谂都系讲个信字。”他透露与环球唱片的友好关系，并表示：“我冇同其他公司沟通过，但我想讲香港嘅社会其实可以用几样嘢锁住你，第一就系反对，第二就系恐惧，我做艺人就系纯粹讲个信字，佢随时系可以唔俾我出歌，我随时可以踢佢走。”他指很荣幸与环球的关系并非以合约的形式捆绑，并笑言：“最紧要所有嘢都系好嘅方向发展。”

提到刚刚蓝奕邦在台上分享与前公司环球的故事时竟然有偷笑，他解释：“我喺度笑，系因为环球唱片，我喺度谂应唔应该上台讲我都系环球唱片，但唔记得咗，透过访问可以补充返其实我哋同环球唱片嘅老细成日倾偈，我哋有好多良好嘅沟通。”他透露下年入行踏入10周年，有计划进军红馆开演唱会。