蓝奕邦自爆曾被环球唱片禁出同志活动　否认唔开心：公司好多疑虑

歌手蓝奕邦今日（3日）出席“Pink Dot HK 一点粉红 2024”记者招待会，他接受访问时表示：“今次咁啱系呢个活动10周年，而都系我入行嘅20周年，我觉得呢个时候系最好去担任大使，其实我两年前都做过（同志活动）嘅表演嘉宾，但因为疫情嘅模式通常都系室内。”

自爆曾被环球唱片禁止出同志活动

提到刚刚在活动上分享昔日唱片公司环球禁止出席同志活动，他表示：“其实唔止系我前公司，其实𠮶个年代嘅社会风气同而家唔同，最初呢个机构成立嘅时候，唔系歌手抗拒，系唱片公司抗拒，会有好多疑虑，会担心旗下嘅艺人出席关于同志嘅活动会有影响。”被问到曾经同公司的艺人周殷廷（YT）亦有出席今天的活动，是否感到环球唱片“开明”了，他说：“YT出道嘅第一年就系当年我被邀请去同志活动嘅同一年，我觉得YT好有潜质同好努力，今日见到佢红咗，都觉得好安慰。”讲到YT当年是否不知道环球唱片不准许出席是次相关的活动，他坦言：“佢唔知嘅，但我觉得佢唔会惊讶。我相信当年好多唱片公司都系出于保护艺人嘅心态，所以觉得比较敏感。”

至于当时有否与环球唱片理论，他说：“其实2014年自己身体开始出事，所以公司见到我咁样都觉得我应该留返啲力，除咗做唱片宣传其他时间都要休息，唔会冲击到佢（蓝奕邦），可能会带到啲声音（反对）出嚟，我觉得冇开心或者唔开心，就算我10年前去做都未必系好ready嘅状态。”