吴刚师傅玩命表演原来造假？　滚油取物、心口碎大石出术秘技曝光

8、90年代，《欢乐满东华》等筹款节目，或是台庆大骚等，总有许多玩命表演，而讲到“东华常客”，当然不得不提吴刚师傅！他最兴以赤膊及搽满油的打扮现身，做尽饮滚油、食炭等高难度动作，1991年《东华》，从滚油中取出一个又一个金元宝呼吁观众捐钱，睇见都觉“牙烟”。

近日欧锦棠就在其YouTube节目《乜乜棠水舖》大爆这些表演的造假方法，他当年都曾参与亚视台庆的杂耍和叠罗汉表演，跟外面的师傅受训，但与吴刚师傅比，当然是小儿科。

然后他就解构了其中三个表演如何“出术”，更亲自示范如何“滚油取物”！他说窍妙是白醋，落油后要倒入大量白醋，然后开火，他说：“好快就会滚，点解要用醋？因为沸腾度（沸点）低好多，亦都低过水，浮咗喺油嘅面，一阵间好快会有泡泡，就以为好热好滚，俾人一种好似好滚嘅感觉。我‘以身试油’畀大家睇，好快就见到有啲泡泡升上嚟，如果大盘啲，感觉好似好滚，煲到沸点，就算水都会焫手，而唔会好滚。”虽然有造假，但他仍呼吁家庭观众切勿模仿，始终有一定危险性。

第二个表演是“空手煮鱼”，即徒手将鱼煎到出烟，他解说：“条鱼空心，㓥晒啲内脏出嚟，加条发热线喺里面，穿出嚟喺手掌𠮶度，戴啲护腕，电芯就喺𠮶度，你唔系真系要煎熟，你要出烟畀个效果人睇咋嘛，揿咗掣你都唔知。”

第三个表演就是刘德华等艺人都做过的心口碎大石！他说大石是真的，没有做手脚，虽然很多年前有人曾用硫酸溶石，但始终不清楚其腐蚀程度，有一定危险，又怕石太脆一扑就碎就好瘀，所以会用真“麻石”。而关键原来在于揸锤的人，“你见唔会系艺员揸锤，揸锤扑𠮶个系师傅出嚟，因为佢哋识得用锤嘅力，（否则）一嘢落到底个艺员就会死，透过嚿石就内伤！”

欧锦棠续说，落锤不是平面扑落去，而是用锤边位置，有尖锐的钝力，亦不可一锤到底，有一下焦点力“剁”下去就要马上收锤。此外，他说艺员会垫块毛巾，通常师傅都扑大石的正中位置，在艺员心口低少少，不会扑上半或下半部，这样艺员就不会太伤。然而，95年亚视台庆原来都曾经失手！当时示范心口碎大石的是冯宝宝（Bobo姐），欧锦棠就是司仪。

他忆述当年情况：“扑咗两嘢都唔开，通常一下就开，咁你完成唔到，件事唔可以完成唔到，会好瘀，咁就话‘再嚟得唔得呀？我哋整多吓啦！’师傅可能见到咁情急就大力啲， Bobo姐就话‘阿棠，整蛊我？’但系真系碎咗，佢都有啲好生猛，扮鬼扮马样，事后话畀我听佢断咗条肋骨，阴公，睇咗好耐医生。”