梁洛施唔想仔仔太早拍拖　与Edan合作新戏“值得期待”

梁洛施今日现身医美品牌旗舰店开幕，她接受访问时表示十分满意今次酬劳，仲话系大家都开心嘅数字。讲到扮靓，梁洛施有唔少心得，而佢仲话因为仔仔成日有户外运动，所以都要佢哋做好防晒工作。梁洛施又谓随著小朋友开学，可望有更多me time ，亦望经济转好能有更多工作。“小朋友嘅功课都系提醒，以自主学习为主，因为都14、15岁，佢哋都好支持我去工作。（Bob话佢大女拍拖）系咪女仔早熟啲？仔仔可能比较运动，唔使返学就玩好多球类运动，所以未经历见家长呢阶段，你问我紧系唔好，要专心读书，好好享受现阶段。”

提到早前与Edan（吕爵安）喺新戏《法迷藏》合作，梁洛施除透露演员阵容，又谓拍摄时因天气、情绪而十分辛苦，所以完成拍摄后小休了两星期，但问到对Edan有何评价时，她即时大卖关子，叫大家期待。