林奕匡长文细诉爱子出生过程：有一刻我真系好惊BB同BB妈妈会有事

林奕匡（Phil）上星期荣升做新手爸爸，他早前在社交平台发文透露BB名为“DARRIEN LAM”。随后他再上载了一篇长文，细诉BB的出生过程，表示BB出生“一波三折”：“有一刻我真系好惊BB同BB妈妈会有事。”林奕匡表示太太Rikko意志很坚强一直坚持想顺产，但最后无办法之下需要开刀做手术，还讲到情况危急需要数分钟内去手术室，最后母子平安，BB亦顺利出生。

林奕匡长文如下：

今次生B嘅过程，一波三折，有一刻我真系好惊BB同BB妈妈会有事。

Rikko意志好坚强一直想顺产，但今次生B过程遇上complications，经过十几个钟后，佢开始发烧，体温越升越高，BB心跳率同样地越跳越快，长时间keep 住升，没办法之下要紧急转做开刀手术。

作出决定后，几分钟之内就要转去手术室，我地都未有时间去collect我地嘅thoughts，姑娘叫我喺手术室外面等候，俾Rikko入去先。我拎住医生俾我嘅手术风险资料，自己一个喺手术室门外坐，我开始好担心。Rikko已经挨左十几个钟，休息睡眠近乎零，依家仲要发烧，BB同样地发烧，而且心跳又越跳越快。我好惊BB同妈妈会有事，人生从来冇试过咁惊。 我同自己讲，入到手术室我一定唔可以俾Rikko觉得我惊，我一定要坚定。跟住我用三十秒时间准备左最励志嘅林奕匡playlist，接著姑娘就叫我入去。

入到手术室，同之前嘅labor room 完全唔同，同埋多左好多嘅医护人员，佢地全部都已经准备就绪，𠮶一刻我知道我只能相信咁多位嘅医护人员，将Rikko同BB嘅生命搞妥俾佢哋，而我嘅职责就系要做最“正能量”嘅“唱歌者”，而我嘅观众只有一个。

手术期间，我依然keep住好紧张，但我继续唔理，keep住唱歌，同Rikko倾计。正当播著“一双手”嘅时候，突然医护人员讲左一句“佢出咗嚟” ，突然时间好似停止一样，我一句声都唔敢出，等候任何BB嘅反应，10秒，15秒，跟住我见到医护人员从纱布后面抱起BB去检查，20秒，25秒… 突然间听到一个喊声，系我人生听过令我最开心嘅声音。知道Rikko嘅角度睇唔到BB，我俾左一个爆喊嘅眼神俾佢，再点头。