丁子朗预告出新歌做乐坛新人 直言心情紧张：希望做到全能艺人
丁子朗（丁丁）今日（31日）出席上水一个商场活动，趁着奥运热潮未完，丁丁与现场观众大玩游戏展示运动细胞。玩完游戏后，丁丁就唱出两首歌《活着viva》及《饿狼传说》，听到在场观众十分陶醉。
丁丁早前忙于拍摄剧集《香港探秘地图》，上星期终于煞科，连日来不停开工的他亦消瘦了不少，他接受《香港01》访问时就表示“原来”自己瘦了不少：“其实我自己照镜嘅时候就唔觉得自己瘦咗，因为我日日都对住自己，同埋啲crew啊，同同剧嘅演员大家日日对住，就唔觉得太家有瘦有肥，咁但系拍完套剧，剪完头发，影咗辑相，跟住所有观众都话。咦！做咩瘦咗咁多，我先发觉自己原来真系瘦咗。”丁丁对于瘦了不少都感到惊讶：“我早两日去咗做身体检查，跟住发现原来真系跌咗磅，咁所以就真系觉得系时候要食返多啲嘢，储返啲能量啦。”
最近换了新发型的丁丁被指撞样初出道时的李日朗（前名李逸朗），随后又被指撞样《那些年》时期的柯震东。被问到觉得自己与他们似不似时，丁丁就表示二人都是他的前辈：“有人话我似柯震东，有人话我似李日朗，因为佢哋两个都系我好尊敬嘅前辈嚟，有机会似佢哋系一件好幸运嘅事情啦。”但至于自己觉得像哪一个比较多，他就指：“我就唔觉得我似任何人嘅！”
终于“出山”的丁丁被问到今次活动上再次唱歌会否勾起他的歌手梦时，他兴奋地透露正进行一件事：“系呀，因为之前拍剧就收埋咗喺电视城入面啦，而家终于出返嚟啦，咁呢就首歌录完啦。话说我有首新歌啦，希望9月尾10月头择个日就可以出啦！”
丁丁准备今年加入做新人行列，挑战做歌手，他表示心情紧张：“我都希望有啲前辈可以教吓路，因为我始于未做过歌手，好紧张！”至于会向谁请教时，他二话不说表示会找森美大哥“教路”：“问大哥做歌手到底系点样嘅呢，会唔会同演员好唔同呢。（到时好多宣传会再忙啲。）呢个系一件好事嚟，如果愈来愈多嘢做嘅话，出歌我觉得都系一个比较全能艺人嘅其中一个希望做到嘅一环。”紧张的他希望今年可以达成这个愿望。