陈慧珊博士学位读足8年即将毕业　澄清冇退休被问回巢TVB大卖关子

陈慧珊（Flora）昨日（30日）出席汽车品牌活动，并担任大会司仪，她在接受访问时表示：“其实呢几年大家都知道我好努力咁完成我个论文，终于隔咗八年我个论文终于写完啦！下个月就做完口试，希望pass咗就可以攞到香港大学修读教育博士学位，可以用嚟更加做一啲有意义嘅嘢。”

透露女儿下年升读大学

陈慧珊透露女儿钟律然（Mira）下年升读大学，并表示：“好值得，好有满足感，原本系读六年，但变咗读八年，都咁支持我，当系喺教育界里面未必系完全，但而家已经系10几年啦！但系咁多年都仲支持我。始终我就系演员出身，但系大家都可能知道我系喺美国嘅时候都系做代教，同埋喺新闻度做PA，唔需要净系行一条路，人生有信心同埋有决心最紧要。”她续指自己应该于本年11月至12月左右就会毕业。

自爆筹备电影拍摄

被问到现阶段是否在深圳有做教育的工作，她表示：“边度做教育工作都得，迟啲有更加多嘅嘢同大家讲，当然我都有教育嘅工作。”提到是否正在筹备电影拍摄，她直言：“其实而家嘅阶段都有，大家都有睇访谈节目《放学后》，就算我读紧书同我先生一齐，都系有做呢样嘢会继续做。”而讲到是否会正式上映时，她就表示：“我哋有唔同嘅计划，做好件事先，要符合学生、父母同埋教育界嘅要求。”

被问回巢TVB拍剧竟大卖关子

近日林保怡回巢TVB拍摄新剧《刑侦12》，被问到是否也有“戏瘾”时，陈慧珊表示：“保怡系一个好拍档，唔知大家会唔会见到我啦！有机会点解唔去尝试呢？”提到曾志伟是否亲自邀约“出山”拍戏，她说：“我都冇退休过点出山，所以冇需要出山，其实两样嘢都可以做，无论系教育同埋娱乐事业，有意义嘅嘢我都非常乐意。”至于会否想拍类似《新闻女王》的剧集，她坦言：“我自己冇睇到，都好少睇电视。（想挑战什么类型的角色？）暂时冇谂法，其实任何嘅角色都系一个挑战，想做一个好嘅演员，就算唔系剧本写得好标致，但你揾到一个位可以加一啲嘢落去，做得好有意思就可以。”她表示暂时没有与任何艺人合作的想法。

至于现阶段经常与老公钟家鸿出双入对工作，是否等于边工作边拍拖，她笑言：“呢一样嘢就要问吓我老公，同埋非常感恩有咁嘅女儿，讲到就非常感恩想喊，我系好以女儿为骄傲，佢真系非常懂事，从来都冇要求过要任何嘢，佢都好支持，知道妈咪今日系做司仪，我今日临出门口个女儿都揽一揽话Good luck。”提到昔日是否跟郑伊健拍过MV，她表示：“好多年啦，20几年啦！佢系我第二套MV一齐合作拍，都已经好耐。”