郑伊健强调冇定居日本　唔敢学梁朝伟买地皮起屋：我哋冇咁犀利

56岁郑伊健今日（30日）出席汽车品牌活动，他在接受访问表示：“架汽车睇咗好耐，因为系经典款，但今次用电车嚟做真系好唔同。”提到婚后睇车是不是要经过太太蒙嘉慧批准，他说：“睇车好容易咋嘛，我而家都睇紧，不过买车嘅时候就要谂，以前就会话不如换车，用到架车圆满咗先，之后就会考虑我哋换车。”

认同小S宣传手法

至于被问到现阶段台湾演唱会的彩排行程，他说：“（忙紧彩排演唱会）其实都系，返香港都好正常，我系住喺香港，平常做嘅嘢，研究吓啲新科技，又睇吓啲行程点样度好啲。”早前郑伊健上台湾综艺天后小S徐熙娣的节目，被问到“系咪俾小S吓亲？”时，他笑言：“你话呢？又唔系嘅，我觉得系唔同嘅文化，有啲嘢可以少啲就好啲。”他又解释：“小S都想多啲人睇到点样帮郑伊健，可能佢做咗选择咗呢样嘢，其实都系佢嘅宣传方法。”

太太蒙嘉慧长驻日本工作

提到日本较早前的天气恶劣，他说：“唔系净系日本，好多地方欧洲，都经历过黄大仙水浸𠮶啲，但系打风就可能劲啲，现在嘅天气大家都要小心啲，真系比较反常，我觉得需要一架越野车，因为而家嘅天气好恶劣。”被问到香港与日本居住时间的比例分配，他表示：“其实我都系香港住，不过太太喺𠮶度（日本）工作，咁我梗系要去探佢，想出发去就去啰！譬如而家要做嘢，就喺香港先，可能佢都会返嚟陪一陪我。”

澄清被网民偷拍冇影响心情

有指旅居日本多年的梁朝伟，在日本二世古买了一块地皮兴建避世山庄，被问到会否效仿梁朝伟的做法时，郑伊健就笑言：“我哋冇咁犀利，听讲啲人话旅居，呢个方法不嬲都做紧，我谂好多香港人都好钟意去旅行，我觉得一有时间都可以从呢一个方向去谂，间屋可以放低个行李，呢样嘢系最紧要嘅啫。”讲到日前在香港被网民偷影，是否有影响心情，他说：“都冇唔开心嘅，偷影我都唔知，冇办法，个科技咁先进，有好有唔好，点样去行驶呢样嘢，你觉得ok就去做啰。呢样嘢冇办法，以前就好简单，又或者狗仔队同埋突破性，就会吸引人睇，不过而家就系网民嘅趋势，简单啲做好自己。”