梁钊峰提早庆生狂派福利　送珍藏“肉照”兼包接送

梁钊峰明日（31日）牛一，日前与“峰心粉”（钊峰粉丝暱称）提早庆生。每位入场的“峰心粉”可获赠精美选手包，内含印有会员编号的号码布和奖牌，钊峰对奖牌爱不释手，连番大赞说：“系我嘅剪影呀，好靓好有心思！”寿星仔亦用心准备三份礼物回礼，其中一份终极大奖更震撼在场每位。

三位幸运儿分别读出奖品，第一位说：“你唔需要沿途历险，‘原图’到手了”，“峰心粉”立即估中是钊峰的肌肉相。钊峰说：“有一年我Po咗9张相，其中一张系做Gym冇着上身嘅相，佢哋成日话放大都睇唔到，我就偏偏唔Send原图出嚟。有句歌词系‘你继续沿途历险，我继续寻求幸福了’，佢哋‘原图’历险咗上年嘅时间，呢份奖品就系成张原图送畀Fans。”

第二份奖品是私约玩桌上游戏，钊峰表示挑选了自己很喜欢的Board Game，更承诺：“如果抽中咗，我哋约个时间玩，真系好好玩。”最后一份终极大奖更令全场陷入疯狂，当第三位幸运儿读出“我得到教授送我返屋企券一次”时，全场尖叫气氛高涨，经理人补充说：“车入面系会有其他同事喺度”，场面爆笑。钊峰笑说：“我好希望送佢哋一程，系一张好暖心嘅‘返屋企券’，陪伴好紧要，车佢哋返屋企都几Sweet。”