法证先锋6｜林正峰同嘉敏解咖啡店谈案情原因 原来自己都谂唔明?
TVB剧集《法证先锋6》正在热播，日前一班演员出席宣传活动，“铁三角”少了两角，只有重案组井sir（袁伟豪饰）一人撑起活动，但仍然绰绰有余。《法证6》自播出后一直饱受批评，“洗衣舖三人组”（林正峰、阮嘉敏及戴祖仪）更是首当其冲被骂，林正峰及阮嘉敏接受《香港01》访问时表示其实是想显示“热爱工作”。
阮嘉敏被指于剧集中“孭重飞”，她则指很开心导演找她试镜：“佢哋揾我casting嘅时候呢，净系同我讲话你要做一个警察嘅啫，我都唔知戏份系有几多嘅，咁但系一路拍落嘅时候就知道原来我自己系呢个角色，但我开心嘅作为演员。” 阮嘉敏更说到这个角色跟她之前所演的有分别，因之前都是演出一些比较斯文的女生，所以今次演出“王净”一角是一个挑战。
阮嘉敏指今次“挑战成功”：“我楼下个保安，其实佢都问我，夜晚𠮶个王净其实系咪你嚟？对我嚟讲其实代表成功啦，因为同我平时个人好唔同㗎嘛，即系代表系代入咗个角色入面，咁畀一个新嘅形象大家睇都几好。”她亦提到作为一个演员都多点尝试不同的造型及角色。
至于阮嘉敏被网民指常在剧中“黑面”，她则说有去想一下这个角色能怎样演：“咁个角色本身都系同我个人（有出入）我个人系乜都笑。系有啲唔同嘅，咁本身呢个角色佢嘅性格或者佢系比较觉得自己成日累到人，即系佢唔会系一个好开心好阳光嘅人，所以我自己选择咗表情又唔多，成日心事事咁样嘅。”连林正峰都忍不住认同阮嘉敏角色与真人有分别：“系啊，佢个人几阳光，成日笑㗎！”
面对海量的负评，阮嘉敏表示大家都有关心她，她高EQ地表示最重要是多看几次，再反思可以怎样再做好一点：“都已经拍咗出嚟啦，咁不如去谂点样再做好啲！”林正峰亦大赞阮嘉敏做得很好：“搣甩咗自己已经好成功，因为自己或者好多人都系做紧自己，同埋佢好畀心机啊真系，佢到现场真系好勤力做功课！”
提到负评，也有不少网民不解“洗衣舖三人组”为什么要经常在洗衣舖及咖啡店流连商讨案情，阮嘉敏及林正峰大笑表示其实有设定的：“咖啡店个设定就系喺office附近，洗衣舖就系我同佢住嘅附近。角色入面我哋系非常之勤力㗎！我哋系唔会计ot嘅，我哋只为兴趣，不计人工，所以我哋身为呢个小铁三角呢，我哋系必须做得更多。”林正峰更说拍到一日要喝6-7杯咖啡，整个咖啡店的餐牌上的咖啡都喝过了。
至于为什么要在咖啡店谈案情，连林正峰都表示不解，但他们就把咖啡店每一个角落都用得很彻底：“既然畀个地方我哋，我哋就尽力做好佢，你见到好搞笑㗎，我哋由门口倾到去厕所门口再倾到去吧台，我哋已经用尽晒成个空间㗎啦，差在未瞓喺地下讲啫。”林正峰搞笑表示为什么不在洗衣机里面谈，阮嘉敏则附和说：“好啊，我哋嚟紧拍7嘅时候，你喺入面倾，我喺出面倾，我唔会同你入去倾㗎。”
被问到之后播出的集数，会否有机会看到他们在其他地方谈案情时，阮嘉敏表示：“我哋会keep住喺𠮶度倾嘅，因为想营造我哋好努力，不停倾所有案件。”林正峰则指：“平时佢哋话喺office先倾案件，就系唔想做呢样嘢啰，想试吓生活化啲。”他继续搞笑表示店员已经被他们收买，所以不会泄漏“天机”。