Anson Lo被爆身材拍得住《激战》张家辉　Stanley未闻姜涛要休假

卢瀚霆(Anson Lo)和邱士缙(Stanley)今日出席西九音乐节记者会，两人分别参与《越流行》和《“幻舞浮光”海滨装置舞蹈》演出，Anson Lo预告或有机会在音乐会上首唱新歌，Stanley则预告将于芭蕾舞蹈员crossover演出，问到是否要以贴身衣物上阵，Stanley话会配合，但亦补一句交俾经理人处理，之后仲拉埋Anson Lo落水，提议对方除衫。“我见过，好夸张，争张家辉《激战》少少，张家辉系10的话，佢系8。”

提到早前嘅黑图大战，大表哥就话随Edan嘅道歉而告一段落，仲话手上已无存货。“ 啲fans提供嘅黑图多到我都唔好意思要删PO，有需要再call大家。”另外，提到大嘅表嫂嘅泳衣照，大表哥即时轻叹：“算啦，靓就得。其实都影咗一段时间，佢都有俾我睇。”Anson Lo闻言后即提议大表哥上阵影一辑更劲嘅。

另外，有消息指姜涛拍剧后想休息与家人去旅行而推job，大表哥表示未有听闻：“我知佢拍剧过程系chur，好多景都通宵，系会攰，但有无话要休息我就唔知。”而Alton日前在threads公开指责“私追”，大表哥认为Alton是表达要互相尊重，不影响拍摄。