《超时空男臣》硬撼《前度》　撑原创定系睇大集汇？

话咁快又放暑假喇，即系TVB嘅一年一度嘅Amazing Summer亦已经开始。相信唔少人都会煲下剧过下日晨咁，第一击播出的剧集就系上个月底逢星期六，日播出的《踩过界》，外界对剧集都几好评价。而今晚8点半由萧正楠、曹永廉及何广沛主演播出的《超时空男臣》，接住ViuTV就会播出由袁澧林及刘俊谦主演嘅半小时剧集《玛嘉烈与大卫——前度》，唔知大家又钟意边一套呢？

《超时空男臣》就讲述萧正楠、曹永廉以及何广沛由明朝穿越到400年后的世界，他们分别是大将军、大学士及太监。睇返网上资料，都会见到剧集概念与电影《正牌韦小宝之奉旨沟女》、《冰封：重生之门》及电视剧《阁楼王世子》有相似。睇嚟又要等一众眼利嘅网友“名侦探柯南”上身，keep住睇先得喇！

而ViuTV播出的《玛嘉烈与大卫—前度》，今次剧集就揾嚟四位未拍过剧集嘅演员包括袁澧林、刘俊谦、杜小乔及马志威，唔知剧集嘅效果会唔会好似去年《玛嘉烈与大卫》咁大获好评呢？讲返新玛嘉烈同大卫，饰演玛嘉烈嘅就系袁澧林，𠮶𠮶都叫佢文青女神，呢一年都算系影视新宠，MV剧集电影都拍埋，观众可以拭目而待文青女神演技。而新大卫就系演艺毕业嘅刘俊谦，去年就同男神黄子华同陈法拉合作舞台剧《前度》而声名大噪，系潜力股之一。除了4位演员，仲有许志安、恭硕良、黄秋生同夏文汐客串剧集，真系几吸引㗎! 咁究竟《超时空男臣》定《玛嘉烈与大卫—前度》好睇？真系要睇过先知！