Do姐望喺商台长做长有　预告下月牛一将放假

Do姐（郑裕玲）昨晚出席商台65周年台庆，她表示自己加入商台已经13年，“咁耐都系做《口水》，因为我下午比较得闲啲，同埋我又钟意讲嘢、分享，呢个节目好啱我，同埋拍档愈来愈顺，对住佢哋好开心，我无谂过做电台节目可以做咁耐。”Do姐又指如今仍有新鲜感，加上透过节目认识不同朋友，故希望能长做长有。

Do姐向来爱煲剧，问到她近日心水，她表示日前连印度剧都捞埋，但详情就要留待在节目中分享。Do姐又指由于要开咪、又要追剧、又要运动、加上YT频道，所以生活十分充实，但亦都感到开心。而提到黄子华将在年底有舞台剧，问到Do姐会否要扑飞，她说：“如果我要睇都一定睇到嘅，但12月⋯而家好多jobs ，不过有时间都会去捧场，唔只系子华，仲有嘉玲，有时间一定会去睇。”Do姐表示自己都钟意舞台剧，但长时间排练对她来说是个考验，但如果遇上喜欢嘅剧情，都会谂谂。