【震惊13亿人】大陆翻拍《男儿当入樽》　 网民：唔好破坏童年

相信《男儿当入樽》(SLAM DUNK) (大陆释名：灌篮高手)都是不少70，80年代男士们的回忆。由井上雄彦绘画的漫画在当时的影响力亦同龙珠不相伯仲，可以说是每个男生必须收藏的漫画之一。其中不少场景都令人印象深刻，不知道大家是否记得三井寿跪在安西教练面前哭著说：“我好想打篮球…”又或者是那个没有技术的门外汉樱木花道又或者是全国大赛的湘北与山王之中，数十页没有对白的紧张大战。

讲下讲下，系咪好想再揾返套漫画或者动画出嚟睇呢？当年井上雄彦用咗十年时间画，所以套漫画可以算得上系穿越2个世代，大人细路都钟意。而近日就有网民喺中国广电总局的“电视剧拍摄制作备案公示表”上揾到一个《灌篮吧！高手》的拍摄申请。睇一睇个内容简介，除咗主角名唔一样同埋安西教练变咗女角之外，剧情仲系几乎一样添，又系讲天才篮球员与同伴们嘅奋斗史。唉，套剧仲拍成50集咁多，预计2017年12月开拍，制作需时约12个月。

消息一出，网民就梗系“开心share”啦。不过网民就似乎唔多受落，个个都话呢次套剧系“彻底地破坏大家的童年回忆”，仲话漫画入面嘅湘北高中可以改名叫河北高中、陵南高中改做湖南高中、山王工业改做横洲工业，海南大学附属高中仲改都唔使改添。