向海岚坦承返娘家拍剧最紧要剧本　陈法蓉内地拍戏受伤：耳石脱落

慧妍雅集今（12日）在中环举行慈善月饼义卖贺中秋活动之外，获得不少历届港姐出席支持，其中有向海岚（Anne)、陈法蓉（Monica)等，而她们在接受《香港01》访问时，亦表明会全力支持新一届会长朱凯婷（Heidi)。

慧妍新一届会长将由Heidi出任，而过去她都担任过副会长，曾参与大大小小慧妍活动，而对于她担任会长，Anne及Monica都表示全力支持，Anne表示：“只要佢有咩需要帮手，我哋都一定会撑佢。”

而提到Anne参与的音乐剧《我们的青春日志》大受好评，她就表示：“我自己好enjoy喺舞台上做音乐剧嘅感觉，首先我好钟意做live 表演，因为我觉得做live嘅时候，将自己肾上腺谷到最强，咁你就会将最好嘅嘢表演出嚟，同埋你现场可以即刻接收到观众嘅反应，其实𠮶样嘢都系自己一个好大嘅满足感。（满足感多过拍电视剧？）我觉得两样嘅满足感系唔一样，live𠮶种满足感系好即时，电视剧嘅满足感就系另外一样嘢，可能系几个月之后见返制成品。”而她亦表示爱上音乐剧演出。

目前正为TVB拍摄剧集《刑侦12》的Monica，透露在最近一次于内地拍摄时受伤：“啱啱最近有一次拍个阵跌亲，两只耳仔嘅耳石一齐跌咗落嚟，我起初冇听过呢个病叫耳石脱落，感觉好似天旋地转，拍紧都冇办法返嚟睇医生，搞咗三日后先返嚟睇医生。”现在已完全康复。

近年Monica为TVB拍了不少剧集，问到Anne有没有兴趣回娘家拍剧时，她表示：“我觉得呢个要随缘，首先剧本好紧要，我谂要睇咗个剧本先。之前其实都有揾过我，但真系时间上唔啱，跟住可能剧本角色上又未觉得好适合自己，呢样要好靠天时地利人和。”