反起跑线联盟2｜朱茵慨叹香港学生唔容易 教女原则：够就算
《反起跑线联盟2》承接上一季，讲述乐悠悠七小福一同升上标榜愉快学习的乐天小学，一众家长本以为终于能松一口气，纷纷为著私人时间大增而雀跃之时，却因为新来任教的冼老师(朱茵 饰)严厉和高压的教学方法，而令众家长和小孩叫苦连天。
相隔13年再参与港剧，朱茵一嚟就要面对演员们最怕遇到嘅对手-- 小朋友，呢位严师为令小朋友怕自己，戏外尽量保持距离感。“但后来我开始声沙，因为想用声去calm down佢哋，后来到耳呜⋯⋯”除咗沙声耳呜，面对Martin仔（童星植海维饰）时，朱茵更不时被抛塞：“有一幕系讲我要佢重写个错字，佢唔写，我话你咁做会俾零分你，佢突然望住我‘我都会畀零分你’，系对白嚟嘅，但我都呆一呆，佢嘅自然流露令你窒咗。”同样要与Martin保拎距离嘅，仲有剧中饰演佢爸爸嘅潘灿良：“唔拍时减少接触，留俾副导同佢沟通，到正式拍时，唔会俾额外感情打乱咗。佢哋精力系无限，点都斗唔过佢哋。”
自诞下女儿黄莺后，朱茵淡出幕前主力做全职妈妈，一转眼，黄莺12岁，朱茵复出拍港剧前都有同女儿解释。“我有同佢讲妈妈最喜欢系做戏，佢听到开心两个字‘咁你去做’。”做完Miss冼，再加上本身嘅妈妈身份，朱茵坦言：“香港小朋友唔容易，作为家长‘追咁赶做咩啫’，试考得好唔代表你识，有时见到啲小朋友好攰都会问佢哋辛唔辛苦，但佢又好钟意，呢样嘢系无得解⋯⋯我只能够，够就算，我系hea 啲。”够就算讲容易，但要做到其实并不易，特别如果身在妈妈群组之中，朱茵亦谓尽量避入妈妈群组：“唔系咁易控制⋯⋯所以要坚持，譬如见到个女真系睇晒本书， 仲点好意思再帮佢报班，因为我哋细个都有时间去玩，而家都要俾空间去成长，塞满晒又点识去执生？”
潘灿良于2020年与拍拖25年嘅苏玉华良登记注册结婚，相爱多年至今仍如热恋，每晚都要拖手入睡，灿Sir笑言就算一人一张被，都要伸只手过去拖住⋯⋯听到连朱茵都觉得甜。“唔系特别倾要唔要小朋友，系去到咁上下‘要唔要小朋友？’、 ‘两个人都几好’，再去到一个阶段系‘无小朋友都好似几好’就发展到今日，有讲过人哋有小朋友个家庭更完整，但我又觉得唔需要要咁而后悔，因为就算你有都唔一定好，所以缘份啰。”
化妆：Emma Lee（朱茵）
发型：Kavi Yeung @ Myos（朱茵）
Sponsor: Weekend Max Mara（朱茵）